കൃഷിയില്‍ ഞാന്‍ ഒന്നുമല്ല.
വലിയ വലിയ കര്‍ഷകരും കര്‍ഷക രത്നങ്ങളും അവാര്‍ഡ് ജേതാക്കളും എല്ലാം വിവിധ പഞ്ചായത്തുകളിലായി
കേരളത്തിലുടനീളം സുലഭമാണ്. സ്വന്തമായി വീട്ടില്‍ എന്തെങ്കിലുമൊക്കെ നട്ടു വളര്‍ത്തി
അതിന്റെ ഫലം അനുഭവിക്കുമ്പോള്‍ ആ രുചി വേറെത്തന്നെയാണ്. അതുകൊണ്ട് തന്നെ പരമാവധി വിഷരഹിതമായ
പച്ചക്കറികള്‍ ലഭിക്കാനായി ആവുന്ന തരം കൃഷികള്‍, ഉളള സ്ഥലത്ത് ഞാന്‍ ചെയ്യാറുണ്ട്.
കഴിഞ്ഞ വര്‍ഷം കാബേജ്, കോളീഫ്ലവര്‍, തക്കാളി, പയറ്‌, വെണ്ട, ചീര, കോവല്‍, പച്ചമുളക് തുടങ്ങീ
പല തരത്തിലുളള വിളവുകളും ലഭിക്കുകയും ചെയ്തിരുന്നു.
വലിയ വിളവുകളും മറ്റും പ്രതീക്ഷിക്കാത്തതിനാലും ജൈവരീതി മാത്രം പിന്തുടരുന്നതിനാലും എന്റേതായ ചില പരീക്ഷണങ്ങള്‍ കൂടി ഞാന്‍ ചെയ്തു നോക്കാറുണ്ട്. പോട്ടിംഗ് മിശ്രിതം തയ്യാറാക്കുമ്പോള്‍ ഞാന്‍ ചെയ്യുന്ന രീതി മുമ്പ് ഇവിടെ പറഞ്ഞിരുന്നു. കഴിഞ്ഞ വര്‍ഷം ചെയ്ത പുതിയ ഒരു പരീക്ഷണമായിരുന്നു പച്ചക്കറിക്കടുത്ത് ഒരു ചുവട് വാടാര്‍മല്ലി കുഴിച്ചിടല്‍.
വാടാര്‍മല്ലി ചെടിയില്‍
പിങ്ക് നിറത്തില്‍ നിറയെ പൂക്കളുണ്ടാകും. ഇത് ചിത്രശലഭങ്ങളെയും വണ്ടുകളെയും കൂടുതലായി
ആകര്‍ഷിക്കും. തൊട്ടടുത്ത് തന്നെ പച്ചക്കറി ചെടികളില്‍ ഉണ്ടാകുന്ന പൂക്കളില്‍ പരാഗണം
ത്വരിതപ്പെടുത്താനും ഇത് സഹായിക്കും. കഴിഞ്ഞ വര്‍ഷം മൂന്ന് മാസത്തോളം ദിവസവും ഒരു നേരത്തേക്കുളള ഉപ്പേരിക്ക് അടുക്കളമുറ്റത്ത് നിന്ന് എന്തെങ്കിലും പച്ചക്കറി കിട്ടിയിരുന്നു. ഈ വര്‍ഷം
പേമാരി കാരണം നട്ടതെല്ലാം നശിച്ചു. അതിജീവിച്ചവയില്‍ നിന്ന് ഇന്നലെ മുതല്‍ വിളവെടുപ്പ്
തുടങ്ങി.
വലിയ വിളവുകളും മറ്റും പ്രതീക്ഷിക്കാത്തതിനാലും ജൈവരീതി മാത്രം പിന്തുടരുന്നതിനാലും എന്റേതായ ചില പരീക്ഷണങ്ങള്‍ കൂടി ഞാന്‍ ചെയ്തു നോക്കാറുണ്ട്. പോട്ടിംഗ് മിശ്രിതം തയ്യാറാക്കുമ്പോള്‍ ഞാന്‍ ചെയ്യുന്ന രീതി മുമ്പ് ഇവിടെ പറഞ്ഞിരുന്നു. കഴിഞ്ഞ വര്‍ഷം ചെയ്ത പുതിയ ഒരു പരീക്ഷണമായിരുന്നു പച്ചക്കറിക്കടുത്ത് ഒരു ചുവട് വാടാര്‍മല്ലി കുഴിച്ചിടല്‍.
കഴിഞ്ഞവര്‍ഷം തന്നെ
പരീക്ഷിച്ച മറ്റൊരു വിദ്യയായിരുന്നു ചെണ്ടുമല്ലി (മല്ലിക) വളര്‍ത്തല്‍.എവിടെയോ വായിച്ച
അറിവില്‍ ചെയ്തതായിരുന്നു. പച്ചക്കറിയെ ആക്രമിക്കുന്ന കീടങ്ങളെയും പ്രാണികളെയും അകറ്റാന്‍
ചെണ്ടുമല്ലിയുടെ രൂക്ഷഗന്ധം സഹായിക്കും എന്നായിരുന്നു ഞാന്‍ വായിച്ചത്.അന്ന് അത് എത്രത്തോളം
ഫലവത്തായി എന്ന് അറിയില്ല. പക്ഷേ ഈ വര്‍ഷം ഞാന്‍ അത് നേരില്‍ അനുഭവിച്ചു.
മുറ്റത്തെ ഒട്ടു തൈമാവില്‍ ഉണ്ടാകുന്ന പിങ്ക് നിറത്തിലുളള തളിരിലകള്‍ മുഴുവന്‍, ഞെട്ടിയുടെ അല്പം മുകളില്‍ വച്ച് ഏതോ ഒരു വിരുതന്‍ കൃത്യമായി വെട്ടിയിട്ടിരുന്നു. ഇത്തവണ ഞാന്‍ നട്ട നാലഞ്ച് ചെണ്ടുമല്ലി തൈകള്‍ യാദൃശ്ചികമായി ഈ മാവിന്‍ തൈക്ക് അടുത്തായി. ചെണ്ടുമല്ലി ആഴ്ചകള്‍ക്ക് മുമ്പ് പൂത്ത് വിടര്‍ന്നു. പിന്നാലെ ഉണ്ടായ മാവിന്റെ തളിരില ഞെട്ടറ്റ് വീഴുന്നതും പ്രതീക്ഷിച്ച് ഞാനിരുന്നു.പക്ഷെ ഇത്തവണ ഒരു തളിരില പോലും വീണില്ല ! എല്ലാം ഇപ്പോള്‍ ഹരിത വര്‍ണ്ണത്തിലായി! ചെണ്ടുമല്ലിയുടെ സാന്നിദ്ധ്യം അവയെ രക്ഷിച്ചു എന്നാണ് ഞാന്‍ എത്തിച്ചേര്‍ന്ന നിഗമനം.
മുറ്റത്തെ ഒട്ടു തൈമാവില്‍ ഉണ്ടാകുന്ന പിങ്ക് നിറത്തിലുളള തളിരിലകള്‍ മുഴുവന്‍, ഞെട്ടിയുടെ അല്പം മുകളില്‍ വച്ച് ഏതോ ഒരു വിരുതന്‍ കൃത്യമായി വെട്ടിയിട്ടിരുന്നു. ഇത്തവണ ഞാന്‍ നട്ട നാലഞ്ച് ചെണ്ടുമല്ലി തൈകള്‍ യാദൃശ്ചികമായി ഈ മാവിന്‍ തൈക്ക് അടുത്തായി. ചെണ്ടുമല്ലി ആഴ്ചകള്‍ക്ക് മുമ്പ് പൂത്ത് വിടര്‍ന്നു. പിന്നാലെ ഉണ്ടായ മാവിന്റെ തളിരില ഞെട്ടറ്റ് വീഴുന്നതും പ്രതീക്ഷിച്ച് ഞാനിരുന്നു.പക്ഷെ ഇത്തവണ ഒരു തളിരില പോലും വീണില്ല ! എല്ലാം ഇപ്പോള്‍ ഹരിത വര്‍ണ്ണത്തിലായി! ചെണ്ടുമല്ലിയുടെ സാന്നിദ്ധ്യം അവയെ രക്ഷിച്ചു എന്നാണ് ഞാന്‍ എത്തിച്ചേര്‍ന്ന നിഗമനം.
അടുക്കളമുറ്റത്ത്
ചെറിയ തോതില്‍ പച്ചക്കറി കൃഷി ചെയ്യുന്ന ആര്‍ക്കും ഈ രണ്ട് രീതികളും ഒന്ന് പരീക്ഷിക്കാവുന്നതാണ്.ഒരു
വേലി രൂപത്തില്‍ ചുറ്റും മല്ലികച്ചെടിയും ഉള്‍ഭാഗത്ത് മൂന്നോ നാലോ വാടര്‍മല്ലി ചെടികളും
വയ്ക്കുക. എല്ലാം കൂടി പൂത്ത് കഴിഞ്ഞാല്‍ തോട്ടത്തിന് നല്ല ഭംഗിയും ഉണ്ടാകും , ജൈവരീതിയുടെ
ഫലവും അറിയാം.
പക്ഷെ ഇത്തവണ ഒരു തളിരില പോലും വീണില്ല ! എല്ലാം ഇപ്പോള്‍ ഹരിത വര്‍ണ്ണത്തിലായി! ചെണ്ടുമല്ലിയുടെ സാന്നിദ്ധ്യം അവയെ രക്ഷിച്ചു എന്നാണ് ഞാന്‍ എത്തിച്ചേര്‍ന്ന നിഗമനം.
ReplyDelete