മുറ്റത്തെ മരങ്ങൾ

"മൈ ബർത്ത്ഡേ ആൻ എർത്ത് ഡേ " എന്ന സ്വയം നിർമ്മിത പരിപാടിയിലൂടെ ജന്മദിനത്തിൽ ഒരു തൈ വയ്ക്കുന്ന പതിവ് പത്ത് വർഷമായി ഞാൻ തുടർന്ന് പോരുന്നു. എന്റെയും മക്കളുടെയും ബർത്ഡേകളിലും എന്റെ വിവാഹ വാർഷികത്തിലുമായി വച്ച മരങ്ങൾ ഇപ്പോൾ വീടിന് ചുറ്റും തണൽ വിരിച്ച് നിൽക്കുന്നു. അമ്പത്തി ഒന്നാം ജൻമദിനത്തിലും എന്റെ പതിവ് തെറ്റിച്ചില്ല. ഒരു വാഴത്തൈ നട്ടുകൊണ്ട് ആ ദിനവും രേഖപ്പെടുത്തി.

എന്റെ ഈ  പരിപാടി ഞാൻ സോഷ്യൽ മീഡിയയിലൂടെയും മറ്റും പല സുഹൃത്തുക്കളെയും അറിയിച്ചിരുന്നു. അതു പ്രകാരം പലരും ചെയ്തു വരുന്നു. അങ്ങനെയാണ് വീടിന് ചുറ്റുമുള്ള മരങ്ങളുടെ എണ്ണവും ഇനവും ചോദിച്ചു കൊണ്ട് ഒരു സ്നേഹിത മെസേജ് അയച്ചത്. അന്നാണ് ഞാൻ ആദ്യമായി ഒരു കണക്കെടുപ്പ് നടത്തിയത്. ഒരേ തരം വൃക്ഷങ്ങൾ ഒറ്റ ഒരിനമായി എണ്ണിക്കൊണ്ട് ഞാൻ ആ ലിസ്റ്റ് തയ്യാറാക്കി. ആ ലിസ്റ്റാണ് താഴെ.

1.ബുഷ് ഓറഞ്ച്

2. പപ്പായ

3. മുന്തിരി

4. ചെറുനാരങ്ങ

5. ഞാവൽ

6. റമ്പൂട്ടാൻ

7. കശുമാവ്

8. പ്ലാവ് (നാടൻ)

9. മാങ്കോസ്റ്റിൻ

10. പ്ലാവ് ( വിയറ്റ്നാം ഏർളി )

11. പാഷൻ ഫ്രൂട്ട്

12. സ്റ്റാർ ഫ്രൂട്ട്

13. തെങ്ങ്

14. വാഴ (പൂവൻ )

15. പേരക്ക

16. ആത്തപ്പഴം

17. വാഴ (ചെങ്കദളി )

18. മാതോളി നാരങ്ങ

19. എഗ്ഗ് ഫ്രൂട്ട്

20. റോസ് ആപ്പിൾ (പനിനീർ ചാമ്പ)

21.മാവ് ( മൂവാണ്ടൻ )

22. ഇലഞ്ഞി

23. മാവ് (നാടൻ)

24. സീതപ്പഴം

25. പീനട്ട് ബട്ടർ 

26. ഇരുമ്പൻ പുളി 

27. മാവ് (കോഴിക്കോടൻ)

28.മാവ് (ഒട്ട് )

29. മാവ് (സേലൻ)

30. സപ്പോട്ട

31. ചാമ്പക്ക

32. ആപ്പിൾ ചാമ്പ

33. സ്റ്റാർ ആപ്പിൾ

ഇത് തയ്യാറാക്കാൻ എന്നെ പ്രേരിപ്പിച്ച ജ്യോതി ടീച്ചർക്ക് ഹൃദയം നിറഞ്ഞ നന്ദി. ഇതിൽ പലതും ഫലങ്ങൾ തരാൻ തുടങ്ങി. പലതും അടുത്ത് തന്നെ പൂക്കും എന്ന പ്രതീക്ഷ നൽകുന്നു. പല ദീർഘദൂര യാത്രകളും കഴിഞ്ഞ് വീട്ടിലെത്തുമ്പോൾ ഈ പച്ചപ്പും തണുപ്പും നൽകുന്ന അനുഭൂതി ഒന്ന് വേറെത്തന്നെ.