പതിവ്തെറ്റിക്കാതെ
മാവേലി പ്രജകളെ സന്ദര്‍ശിക്കാന്‍ തിരുവോണത്തിന് പാതാളത്തില്‍ നിന്നും പുറപ്പെട്ടു.ആകാശം
മേഘാവൃതമായതിനാല്‍ കാഴ്ച തടസ്സം നേരിട്ട മാവേലി ചോദിച്ചു.
“ഇതെന്താ ഈ മഴക്കാലത്തും
ഇവിടെ പവര്‍‌കട്ടുണ്ടോ?”
“ഏയ്….പവര്‍കട്ടല്ല
തിരുമേനീ…..ആകാശം മൂടിയതാ..“ ആരോ പറഞ്ഞു.
“എങ്കില്‍ ലൈറ്റിടൂ…നോം
നമ്മുടെ പ്രജകളുടെ ഐശ്വര്യം കണ്‍കുളിര്‍ക്കെ കാണട്ടെ….“
“തിരുമേനീ…..ഇപ്പോള്‍
ലോഡ്ഷെഡീംഗാ…..”
“ഈ തിരുവോണ നാളിലും
ലോഡ്ഷെഡീംഗോ? അതിനല്ലേ സോളാര്‍ എത്രയും പെട്ടെന്ന്….. .”
“മിണ്ടിപ്പോവരുത്
തിരുമേനീ…..രാപകല്‍ സമരവും സെക്രട്ടറിയേറ്റ് സമരവും കരിങ്കൊടി പ്രയോഗവും ഒക്കെ നടത്തിയിട്ടും ഒരു രക്ഷയുമില്ലാത്ത സോളാറിനെപറ്റി മിണ്ടിപ്പോയാല്‍ തിരുമേനി ജീവനോടെ പാതാളത്തില്‍ എത്തുകയില്ല……”
“ഓ ശരി….ശരി…..എന്താ
അവിടെ ഒരു കൂട്ടം സ്ത്രീകള്‍ മുഷ്ടി ചുരുട്ടുന്നത്….?”
“അവര്‍ സമരം വിളിക്കുകയാണ്
തിരുമേനീ….”
“ഈ തിരുവോണ നാളിലും
സമരമോ ?”
“അതേ….അവര്‍ക്ക് സ്വാതന്ത്ര്യം
ഇല്ല പോലും……”
“എന്തിന്?”
“ഇഷ്ടപ്പെട്ട വസ്ത്രം
ധരിക്കാന്‍….”
“അതിന് വസ്ത്രം ധരിക്കാതെ
നടുറോഡില്‍ സമരം വിളിക്കുകയോ…?”
“അവര്‍ വസ്ത്രം ധരിച്ചിട്ടുണ്ട്
തിരുമേനീ….”
“അരക്ക് താഴെ പെയിന്റ്
അടിച്ചതിനെ വസ്ത്രം എന്ന് പറയോ?”
“തിരുമേനീ….അതാണ്
ന്യൂ ജനറേഷന്‍ വസ്ത്രം ലഗ്ഗിന്‍സ്…..അതായത് മൂക്കില്‍ വിരലിട്ടപോലെ ആര്‍ക്കും കൊള്ളുന്ന
വസ്ത്രം….”
“ഓ ശരി ശരി…..വല്ലാത്തൊരു
ജനറേഷന്‍ തന്നെ….അതെന്താ ഒരു പയ്യന്‍ അവിടെ ഇരുന്ന് കരയുന്നത്?”
“അത് ദു:ഖം വന്നിട്ട്….”
““ഈ തിരുവോണ നാളിലും
ദു:ഖമോ ?”
“തിരുമേനീ….അത് നമ്മുടെ
ശ്രീയാ…”
“ഏത് സ്ത്രീ?”
“സ്ത്രീയല്ല…..ശ്രീ….കേരളത്തിന്റെ
ഭാരതപുത്രന്‍….ക്രിക്കറ്റ്…..”
“ഓ…..അവനെന്താ വീണ്ടും
അടി കിട്ടിയോ?”
“അടി കിട്ടിയില്ല….പക്ഷേ
വെള്ളക്കൊടി പൊക്കിയത് കാരണം ജയിലിലായി…”
“ങേ സമാധാനത്തിന്റെ
സന്ദേശമായ വെള്ളക്കൊടി പൊക്കിയതിന്‍ ജയിലില്‍ അടക്കുകയോ..?”
“അതേ സമാധാനത്തിന്റെ
കൊടി പൊക്കി അസമാധാനം ഏറ്റുവാങ്ങി….”
“എങ്കില്‍ വരൂ മകനേ…നമുക്ക്
രണ്ട് പേര്‍ക്കും കൂടി ഇപ്പോള്‍ തന്നെ പാതാളത്തിലേക്ക് മടങ്ങാം…..ഈ നാടിന്റെ സ്ഥിതി
കണ്ടിട്ട് നോമിന് കൂടുതല്‍ സ്ഥലങ്ങളിലേക്ക് പോകാന്‍ തോന്നുന്നില്ല…..ഈ വര്‍ഷത്തെ പര്യടനം
നോം ഇവിടെ വച്ച് അവസാനിപ്പിക്കുന്നു….എല്ലാവര്‍ക്കും ഓണാശംസകള്‍….”
2012-ലെ ഓണം പോസ്റ്റുകള്‍ ഒന്നിവിടെയും മറ്റൊന്ന് ഇവിടെയും
8 comments:
“അരക്ക് താഴെ പെയിന്റ് അടിച്ചതിനെ വസ്ത്രം എന്ന് പറയോ?”
<<<<<
“എങ്കില്‍ വരൂ മകനേ…നമുക്ക് രണ്ട് പേര്‍ക്കും കൂടി ഇപ്പോള്‍ തന്നെ പാതാളത്തിലേക്ക് മടങ്ങാം…..ഈ നാടിന്റെ സ്ഥിതി കണ്ടിട്ട് നോമിന് കൂടുതല്‍ സ്ഥലങ്ങളിലേക്ക് പോകാന്‍ തോന്നുന്നില്ല…..ഈ വര്‍ഷത്തെ പര്യടനം നോം ഇവിടെ വച്ച് അവസാനിപ്പിക്കുന്നു….എല്ലാവര്‍ക്കും ഓണാശംസകള്‍….”
>>>>>>
:-)
കൊള്ളാം :) ലഗിൻസിന്റെ നിർവചനം കലക്കി.. ധരിച്ചതിനൊക്കുമേ ധരിക്കാതിരിക്കിലും !
“തിരുവോണാശംസകൾ....“
പാതാളത്തിലേയ്ക്ക് ഒരു ടിക്കറ്റ്
ഇക്കൊല്ലം തിരുവോണത്തോടെ ഓണം തീര്‍ന്നു.
വേഗംപോകാം മാവേലിക്ക്‌...
തിരുവോണാശംസകള്‍
ആ പാവം മാവേലി എന്തെല്ലാം കേൾക്കണം
എല്ലാവര്‍ക്കും ഓണാശംസകള്‍....
Post a Comment
നന്ദി....വീണ്ടും വരിക