നമ്പൂരി ഉണ്ട കല്ല്യാണസദ്യ

ഒരിക്കല്‍ നമ്പൂരി ഒരു കല്ല്യാണത്തിന്‌ പോയി.പക്ഷേ സദ്യ കഴിഞ്ഞത്‌ കാരണം നമ്പൂരിക്ക്‌ നിരാശനായി മടങ്ങേണ്ടി വന്നു.കല്ല്യാണം കഴിഞ്ഞ്‌ മടങ്ങി വരുന്ന നമ്പൂരിയെ നാണുവേട്ടന്‍ കണ്ടു. "എങ്ങനെണ്ടായിരുന്നു നമ്പൂരീ.... കല്ല്യാണസദ്യ ?" നാണുവേട്ടന്‍ ചോദിച്ചു. "സദ്യ കേമം...!! സദ്യ കഴിഞ്ഞുള്ള പായസം കെങ്കേമം..!!! പക്ഷേ...നോം ഉണ്ടില്ല...!!!" "ങേ..! ഉണ്ണാതെ പിന്നെ സദ്യയുടെ രുചി നമ്പൂരി എങ്ങിനെയറിഞ്ഞു ?" "വിഢ്ഢികൂശ്മാണ്ഡം..!! രുചി ഇല്ലാതെ പിന്നെ എങ്ങന്യാ സദ്യേം പായസോം ഇത്ര പെട്ടെന്നങ്ങ്‌ തീരാ...?"