നമ്മുടെ നാട്ടിൽ ആപ്പിൾ സുലഭമായി കാണാൻ തുടങ്ങിയത് എന്നാണെന്ന് എനിക്ക് കൃത്യമായി ഓർമ്മയില്ല. ആപ്പിൾ കാണാത്ത കുട്ടിക്കാലത്താണ് ന്യൂട്ടന്റെ തലയിൽ ആപ്പിൾ വീണ കഥ ഞാൻ കേട്ടത്. എന്നാൽ അന്നു മുതലേ എൻ്റെ വീട്ടിലെ രണ്ട് ആപ്പിൾ മരങ്ങളെപ്പറ്റി എന്റെ പിതാവിൽ നിന്ന് ഞാൻ കേട്ടറിഞ്ഞിരുന്നു. സ്റ്റാർ ആപ്പിൾ മരവും റോസാപ്പിൾ മരവും ആയിരുന്നു അവ. ഇവയിൽ നിന്ന് പലപ്പോഴും എൻ്റെ തലയിലും ആപ്പിൾ വീണിട്ടുണ്ട്. പക്ഷെ ന്യുട്ടൺ ഉണ്ടാക്കിയ പോലെ പ്രശ്നങ്ങൾ ഉണ്ടാക്കാത്തതിനാൽ ഞാൻ ഞാനായി തന്നെ തുടർന്നു.
സ്റ്റാർ ആപ്പിൾ ഇലകൾ മുറ്റത്ത് വീണുകിടക്കുന്നത് കാണാൻ തന്നെ നല്ല ഭംഗിയായിരുന്നു. കാരണം അതിന്റെ ഓരോ ഇലയും പഴുത്ത് കഴിയുമ്പോൾ പല വർണ്ണത്തിൽ ആകുകയാണ് പതിവ്. അതായത് മഞ്ഞ ഇല ആകുന്നതിന് പകരം അത് മഞ്ഞ ഒഴികെയുള്ള വർണ്ണ വൈവിധ്യം തീർക്കും. ഈ മരത്തിൽ ഉണ്ടാകുന്ന ഞാവൽ പോലെയുള്ള ഒരു കായയെയാണ് ആണ് സ്റ്റാർ ആപ്പിൾ എന്ന് വിളിക്കുന്നത് .കായയുടെ പച്ച നിറം അത് മൂക്കുന്നതിനനുസരിച്ച് മാറി അവസാനം ഞാവലിനെ കളറായി മാറുന്നു. കടിച്ചാൽ പൊട്ടാത്ത ഒരു കുരുവും ഉള്ളിൽ ഉണ്ടായിരിക്കും.
ഞങ്ങളിതിനെ ചെറുപ്പം തൊട്ടേ വിളിക്കുന്നത് റോസാപ്പിൾ എന്നാണ് . പക്ഷെ ഫോട്ടോ കണ്ട തൊണ്ണൂറ് ശതമാനം ആള്‍ക്കാരും പറഞ്ഞത് ഇതിന്റെ പേര് പനിനീര്‍ ചാമ്പ എന്നായിരുന്നു. കൂടാതെ മധുരനെല്ലിക്ക, ശീമ ചാമ്പ, കല്‍ക്കണ്ടിക്കായ, പനിനീർ കായ, പനിനീർ പഴം, മലയൻ ആപ്പിൾ ചാമ്പ, സ്വർണ്ണ ചാമ്പ,മൈസൂർ ചാമ്പ, ആറ്റു ചാമ്പ, പഞ്ചാരക്കായ്, പഞ്ചാരനെല്ലി, റോസാ പഴം, ആന ചാമ്പക്ക എന്നിങ്ങനെയും പേരുണ്ടെന്ന് പലരും പറഞ്ഞു.
ഞാനിതുവരെ കേട്ടതില്‍ പപ്പായക്കായിരുന്നു പര്യായപദം കൂടുതല്. ഇപ്പോള്‍ എനിക്ക് തോന്നുന്നു റോസാപ്പിളിനാണ് ഏറ്റവും കൂടുതല് പര്യായപദമുള്ളത് എന്ന്. കുടുംബ ഗ്രൂപ്പിൽ ഫോട്ടോ ഇട്ടതോടെ കുട്ടിക്കാലത്തേക്ക് അൽപ നേരം മടങ്ങാനും സാധിച്ചു.
5 comments:
പക്ഷെ ന്യുട്ടൺ ഉണ്ടാക്കിയ പോലെ പ്രശ്നങ്ങൾ ഉണ്ടാക്കാത്തതിനാൽ ഞാൻ ഞാനായി തന്നെ തുടർന്നു.
സ്റ്റാർ ആപ്പിളും റോസ് ആപ്പിളും ഞാൻ കഴിച്ചിട്ടില്ല... സാധാ ആപ്പിൾ വഴിയിലൂടെ നടക്കുമ്പോൾ തലയിൽ വീഴാറുണ്ട്. ഇതുവരെ ഞാനും പ്രശ്‌നമൊന്നും ഉണ്ടാക്കിയിട്ടില്ല :) :)
മുബീ...ഇവിടെ തേങ്ങ വീഴുന്ന പോലെ അവിടെ ആപ്പിളാണല്ലേ... പിന്നെ, തലയുള്ളവരുടെ തലയിൽ വീണാലേ പ്രശ്നങ്ങൾ ഉണ്ടാകൂ...
മുബിക്ക് കൊടുത്ത കൊട്ടാണ് ഇതിലെ സുലാൻ
മുരളിയേട്ടാ .... എൻ്റെ കൂടെ പഠിച്ച മുബിയെ അറിയുന്നതോണ്ട് പറഞ്ഞുപോയതാ !!
Post a Comment
നന്ദി....വീണ്ടും വരിക