Pages

Monday, May 12, 2008

കറന്റ്‌ പോകാനുള്ള കാരണങ്ങള്‍

പെട്ടെന്ന് വൈദ്യുതി നിലച്ചപ്പോള്‍ എന്റെ നാല്‌ വയസ്സ്‌കാരിയായ മോള്‍ ചോദിച്ചു:

"ഉമ്മാ.....കറന്റ്‌ പോയതെന്താ ?"

അപ്പോളാണ്‌ അവള്‍ മിന്നല്‍ ശ്രദ്ധിച്ചത്‌ എന്ന് തോന്നുന്നു.

"ഇടി മിന്നലുള്ളതു കൊണ്ടാ?" അടുത്ത ചോദ്യം.

ഭാര്യ മറുപടി പറയുന്നതിനു മുമ്പേ ഇടി നാദം കേട്ട മോളുടെ അടുത്ത ചോദ്യം എത്തി:

"ഇടി പൊട്ടിയതു കൊണ്ടാ?"

ഭാര്യ മൗനം ഭംഞ്ജിക്കുന്നതിന്‌ മുമ്പേ മഴ പെയ്യാന്‍ തുടങ്ങിയപ്പോള്‍ വീണ്ടും ചോദ്യം വന്നു:

"മഴ പെയ്യുന്നത്‌ കൊണ്ടാ?"

പുറത്ത്‌ കാറ്റടിക്കുന്ന ശബ്ദം കൂടി കേട്ടപ്പോള്‍ അവളുടെ അഞ്ചാമത്തെ ചോദ്യവും കുതിച്ചെത്തി:" കാറ്റടിക്കുന്നത്‌ കൊണ്ടാ?"

വൈദ്യുതി പ്രവാഹം നിലക്കാനുള്ള വിവിധ കാരണങ്ങള്‍ ഈ കൊച്ചുപ്രായത്തിലേ അവള്‍ കണ്ടെത്തിയതില്‍ മുന്‍ വൈദ്യുതി വകുപ്പ്‌ ജീവനക്കാരനായ എനിക്ക്‌ അ(ഭി/പ)മാനം തോന്നി.ചോദ്യപ്രവാഹത്തിന്റെ അവസാനം വൈദ്യുതി പ്രവാഹം പുന:സ്ഥാപിക്കപ്പെട്ടതിനാല്‍ മുഖത്തോട്‌ മുഖം നോക്കിയിരുന്ന ഞാനും ഭാര്യയും ഐക്യകണ്ഠേന ആശ്വാസത്തിന്റെ നെടുവീര്‍പ്പിട്ടു.

12 comments:

Areekkodan | അരീക്കോടന്‍ said...

വൈദ്യുതി പ്രവാഹം നിലക്കാനുള്ള വിവിധ കാരണങ്ങള്‍ ഈ കൊച്ചുപ്രായത്തിലേ അവള്‍ കണ്ടെത്തിയതില്‍ മുന്‍ വൈദ്യുതി വകുപ്പ്‌ ജീവനക്കാരനായ എനിക്ക്‌ അ(ഭി/പാ‍മാനം തോന്നി.ചോദ്യപ്രവാഹത്തിന്റെ അവസാനം വൈദ്യുതി പ്രവാഹം പുന:സ്ഥാപിക്കപ്പെട്ടതിനാല്‍ മുഖത്തോട്‌ മുഖം നോക്കിയിരുന്ന ഞാനും ഭാര്യയും ഐക്യകണ്ഠേന ആശ്വാസത്തിന്റെ നെടുവീര്‍പ്പിട്ടു.

വല്യമ്മായി said...

ഇടിമിന്നലില്‍ കൂടുതല്‍ കറന്റ് ഭൂമിയിലേക്കെത്തുകയല്ലേ പിന്നെന്താ കറന്റ് പോയതെന്ന് ചോദിച്ചില്ലല്ലോ ഭാഗ്യം :)

മലബാറി said...

മാഷെ..
ഇക്കാരണങ്ങള്‍ ഒന്നുമില്ലാതെയും കരണ്ട് പോകാറുണ്ട്.
കറണ്ട് കട്ട്.

മലബാറി said...

.

ബഷീര്‍ വെള്ളറക്കാട്‌ said...

കരന്റാപ്പീസില്‍ പണ്ട്‌ ജോലിയുണ്ടായിരുന്നു എന്ന് വെച്ച്‌..!!

നേരത്തിനും കാലത്തിനും ബില്ലടച്ചില്ലെങ്കില്‍ കരന്റ്‌ കട്ട്‌ ചെയ്യും മോളെ.. എന്നുള്ള സത്യം എന്തേ മൂടിവെച്ചു ?

sandoz said...

കെ.എസ്.ഇ.ബീയില്‍ ആയിരുന്നല്ലേ....
കറണ്ട് പോയ കാര്യം മകള്‍ ചോദിച്ച് തുടങിയപ്പോള്‍ പെട്ടെന്ന് ഫോണ്‍ എടുത്ത് താഴെ വയ്ക്കാന്‍ തോന്നിയോ...

rathisukam said...

പെട്ടെന്ന് വൈദ്യുതി നിലച്ചപ്പോള്‍ എന്റെ നാല്‌ വയസ്സ്‌കാരിയായ മോള്‍ ചോദിച്ചു:

"ഉമ്മാ.....കറന്റ്‌ പോയതെന്താ ?"



അപ്പോളാണ്‌ അവള്‍ മിന്നല്‍ ശ്രദ്ധിച്ചത്‌ എന്ന് തോന്നുന്നു.

"ഇടി മിന്നലുള്ളതു കൊണ്ടാ?" അടുത്ത ചോദ്യം.



ഭാര്യ മറുപടി പറയുന്നതിനു മുമ്പേ ഇടി നാദം കേട്ട മോളുടെ അടുത്ത ചോദ്യം എത്തി:

"ഇടി പൊട്ടിയതു കൊണ്ടാ?"



ഭാര്യ മൗനം ഭംഞ്ജിക്കുന്നതിന്‌ മുമ്പേ മഴ പെയ്യാന്‍ തുടങ്ങിയപ്പോള്‍ വീണ്ടും ചോദ്യം വന്നു:

"മഴ പെയ്യുന്നത്‌ കൊണ്ടാ?"



പുറത്ത്‌ കാറ്റടിക്കുന്ന ശബ്ദം കൂടി കേട്ടപ്പോള്‍ അവളുടെ അഞ്ചാമത്തെ ചോദ്യവും കുതിച്ചെത്തി:" കാറ്റടിക്കുന്നത്‌ കൊണ്ടാ?"

കുഞ്ഞന്‍ said...

പെട്ടന്ന് കരണ്ട് വന്നത് നന്നായി..ഇല്ലെങ്കില്‍ മിഴങ്ങസ്യാന്നായേനെ.

മിടുക്കി...!

OAB said...

എന്താ‘കറന്റ് പോകാ‘എന്ന് പറഞ്ഞാല്‍?ഞങള്‍ ഗള്‍ഫ് കാര്‍ക്ക് അതൊന്നു പറഞ്ഞ് തരാമൊ?.

അനൂപ്‌ എസ്‌.നായര്‍ കോതനല്ലൂര്‍ said...

അപ്പോ കറന്റ് കട്ടിന്റെ സമയത്ത് ആ കുട്ടി എന്തു ചോദിക്കുമായിരുന്നു

RaFeeQ said...

:) കൊള്ളാം...മിടുക്കി...!

Areekkodan | അരീക്കോടന്‍ said...

വല്ല്യമ്മായീ....അങ്ങിനെയുള്ള ചോദ്യങ്ങളും പ്രതീക്ഷിച്ചോളൂ...
മലബാറി...അത്‌ വളരെ ശരിയാ(അറ്റകുറ്റ പണി എന്ന ഓമനപ്പേരിലും കറന്റ്‌ പോകും...)
ബഷീറേ....ബില്ലടക്കാത്ത വിവരം ചോര്‍ത്തല്ലേ....
sandoz....ഓഫീസില്‍ ആയിരുന്നെങ്കി....ദാ...അഞ്ച്‌ മിനിട്ട്‌....ഇപ്പം ശരിയാക്കിത്തരാം....(താമരശേരി ചുരം.....)എന്ന് പറയാമായിരുന്നു.നേര്‍ക്ക്‌ നേരെയുള്ള ആക്രമണത്തില്‍ എന്താ പറയാ....?

rathisukam...ഈ copy paste എന്തിനാ?
കുഞ്ഞാ....ഞങ്ങളുടെ ആ നെടുവീര്‍പ്പാണ്‌ മ്യാന്മാറില്‍ "നര്‍ഗീസ്‌" ആയത്‌ എന്ന് പ്രതിപക്ഷം വെറുതേ ആരോപിക്കുന്നു.
oab...കറന്റ്‌ പോകാന്ന് പറഞ്ഞാ.....അത്‌ പറഞ്ഞാ ശരിയാവില്ല...ഇങ്ങ്‌ വാ.....അതിന്റെ സുഖം അനുഭവിച്ച്‌ തന്നെ അറിയണം....ഒര്‌ ഒന്നൊന്നര സുഖമാ അത്‌.
അനൂപേ....കട്ട്‌ ഇതുവരെ കുട്ടി അനുഭവിച്ചിട്ടില്ല...
rafeeq....നന്ദി

Post a Comment

നന്ദി....വീണ്ടും വരിക