“ബ്രസീലില്‍ ഒരു ചിത്രശലഭം ചിറക് അനക്കിയാല്‍ അത് ടെക്സാസില്‍ ഒരു ചുഴലിക്കാറ്റ് അഴിച്ച് വിടുമോ ?”- ആ ചോദ്യമാണ് എന്നെ ഈ പുസ്തകം ഒറ്റ ഇരുപ്പിന് 2 മണിക്കൂര്‍ കൊണ്ട് വായിച്ച് തീര്‍ക്കാന്‍ പ്രേരിപ്പിച്ചത്. കോഴിക്കോട് നിന്നും എറണാകുളത്തേക്കുള്ള ട്രെയിൻ യാത്രയിൽ ആയിരുന്നു ഈ മാരത്തോൺ വായന.
വരയൂ എന്നും മഞ്ജു എന്നും പേരായ രണ്ട് ചിത്രശലഭങ്ങളുടെ കഥയാണ് ഈ പുസ്തകത്തിന്റെ ഒന്നാം ഭാഗം. ലക്ഷ്യമില്ലാതെ നീങ്ങുന്ന കൂട്ടത്തിൽ ചേരുന്ന മനുഷ്യന് ഒരു പാഠമാണ് വരയുവിന്റെ ജീവിതം. ഒരു തൂണിൽ കയറാൻ ശ്രമിക്കുന്ന പുഴുക്കളിൽ വരയുവും കൂട്ടുകാരി മഞ്ജുവും ചേരുന്നു.ഇടക്ക് വച്ച് ബുദ്ധിയുദിക്കുന്നതിനാൽ വൃഥാഉദ്യമം അവസാനിപ്പിച്ച് തിരിച്ച് പോന്നെങ്കിലും വരയുവിന് അപ്പോഴും തൂണിന്റെ മുകളറ്റം കാണാൻ അടങ്ങാത്ത ആഗ്രഹം നിലനിൽക്കുന്നു. മഞ്ജുവിനെ ഉപേക്ഷിച്ച് അവൻ വീണ്ടും തൂണിൽ കയറാൻ പോകുകയും മഞ്ജു ഒരു കൊക്കൂൺ രൂപപ്പെടുത്തി ചിത്രശലഭമായി രൂപാന്തരം പ്രാപിച്ച് പറന്ന് ചെന്ന് വരയുവിനെ തിരിച്ചെത്തിച്ച് അവനെയും ചിത്രശലഭമാക്കി മാറ്റുകയും ചെയ്യുന്നിടത്ത് പ്രധാന കഥ അവസാനിക്കുന്നു.
ഈ പുസ്തകത്തിന്റെ സബ് ടൈറ്റ്‌ൽ ‘എനിക്കും ഒരു ചിത്രശലഭം ആകണമെങ്കിലോ?’ എന്നാണ്. ‘ചിത്രശലഭങ്ങൾക്ക് മാസങ്ങളോ വർഷങ്ങളോ ഇല്ല.നിമിഷങ്ങളേയുള്ളൂ.എങ്കിലും വേണ്ടത്ര സമയം അവയ്ക്കുണ്ട്.അവരുടെ ദൌത്യം പൂർത്തീകരിക്കുന്നു , പോകുന്നു‘ എന്ന് മഹാകവി ടാഗോർ പറഞ്ഞത് നാം ഓരോരുത്തരും ചിന്തിക്കേണ്ടതാണ്.
“പറക്കണമെന്ന ആഗ്രഹം
നിന്നിൽ അതിശക്തമാകുമ്പോൾ
പുഴുവായിരുന്നാൽ പോരെന്ന വിചാരം
നിന്നിൽ അതിതീവ്രമാകും
അങ്ങനെ അതു സംഭവിക്കും”
തവിട്ടുമുനി എന്ന ശലഭം മഞ്ജുവിന് നൽകുന്ന ഈ അറിവ് മനുഷ്യനിലും പ്രയോഗിക്കാവുന്നതാണ്.
“ചിത്രശലഭം! അതാണ് നീ ആയിത്തീരേണ്ടത്
ചിത്രശലഭത്തിന് ചിറകുകളുണ്ട്, പറക്കും
ഭൂമിയെ സ്വർഗ്ഗവുമായി നെയ്ത് ചേർക്കും
അതിന്റെ ഭക്ഷണം പൂക്കളിലെ അമൃതാണ്
മാത്രമല്ല
സ്നേഹത്തിന്റെ വിത്തുകൾ ഒരു പൂവിൽ നിന്ന്
മറ്റൊരു പൂവിലേക്ക് കടത്തിക്കൊണ്ട് ചെല്ലും
ചിത്രശലഭങ്ങളില്ലെങ്കിൽ പൂക്കളുണ്ടാവില്ല”
അതെ, മനുഷ്യൻ ചിത്രശലഭത്തിൽ നിന്നും പഠിക്കണം.
കൌമാരപ്രായക്കാർക്ക് വേണ്ടി തീം സെന്റേഡ് ഇന്ററാക്ഷൻ (TCI) അധിഷ്ഠിതമായി രൂപകല്പന ചെയ്ത ശലഭ സാക്ഷരതാ യജ്ഞത്തിന്റെ ആശയാവിഷ്കാരമാണ് ദ ബട്ടര്‍ഫ്ലൈ എഫക്ട്. 2018ലെ റിപബ്ലിക് ദിനത്തിൽ ആരംഭിച്ച് 2020ലെ കേരളപ്പിറവി ദിനത്തിൽ ഏകദേശം 1000 ദിവസങ്ങളിലൂടെ പൂർണ്ണമാകുന്ന യജ്ഞത്തിൽ 100 വിദ്യാലയങ്ങളിൽ നിന്നും 2000 കൌമാരക്കാരിലൂടെ നവസമൂഹരചന എന്ന ബൃഹത്തായ ആശയത്തിന് ഇതിലൂടെ രൂപം തെളിയും.
“ശരിയാണ് മരിക്കണം
അപ്പോഴാണ് നീ ജനിക്കുന്നത്” - എത്ര അർത്ഥവത്തായ തിരിച്ചറിവ്‌.
പ്രസാധകര്‍ : റിപ്പിള്‍സ് ഫോറം ഫോര്‍ ക്രിയേറ്റീവ് ഇന്റെര്‍വേന്‍ഷന്‍സ്,കോട്ടയം
രചയിതാവ് : ഡോ.സി. തോമസ് എബ്രഹാം
പേജ് : 120
വില: Rs. 130/-
വരയൂ എന്നും മഞ്ജു എന്നും പേരായ രണ്ട് ചിത്രശലഭങ്ങളുടെ കഥയാണ് ഈ പുസ്തകത്തിന്റെ ഒന്നാം ഭാഗം. ലക്ഷ്യമില്ലാതെ നീങ്ങുന്ന കൂട്ടത്തിൽ ചേരുന്ന മനുഷ്യന് ഒരു പാഠമാണ് വരയുവിന്റെ ജീവിതം. ഒരു തൂണിൽ കയറാൻ ശ്രമിക്കുന്ന പുഴുക്കളിൽ വരയുവും കൂട്ടുകാരി മഞ്ജുവും ചേരുന്നു.ഇടക്ക് വച്ച് ബുദ്ധിയുദിക്കുന്നതിനാൽ വൃഥാഉദ്യമം അവസാനിപ്പിച്ച് തിരിച്ച് പോന്നെങ്കിലും വരയുവിന് അപ്പോഴും തൂണിന്റെ മുകളറ്റം കാണാൻ അടങ്ങാത്ത ആഗ്രഹം നിലനിൽക്കുന്നു. മഞ്ജുവിനെ ഉപേക്ഷിച്ച് അവൻ വീണ്ടും തൂണിൽ കയറാൻ പോകുകയും മഞ്ജു ഒരു കൊക്കൂൺ രൂപപ്പെടുത്തി ചിത്രശലഭമായി രൂപാന്തരം പ്രാപിച്ച് പറന്ന് ചെന്ന് വരയുവിനെ തിരിച്ചെത്തിച്ച് അവനെയും ചിത്രശലഭമാക്കി മാറ്റുകയും ചെയ്യുന്നിടത്ത് പ്രധാന കഥ അവസാനിക്കുന്നു.
ഈ പുസ്തകത്തിന്റെ സബ് ടൈറ്റ്‌ൽ ‘എനിക്കും ഒരു ചിത്രശലഭം ആകണമെങ്കിലോ?’ എന്നാണ്. ‘ചിത്രശലഭങ്ങൾക്ക് മാസങ്ങളോ വർഷങ്ങളോ ഇല്ല.നിമിഷങ്ങളേയുള്ളൂ.എങ്കിലും വേണ്ടത്ര സമയം അവയ്ക്കുണ്ട്.അവരുടെ ദൌത്യം പൂർത്തീകരിക്കുന്നു , പോകുന്നു‘ എന്ന് മഹാകവി ടാഗോർ പറഞ്ഞത് നാം ഓരോരുത്തരും ചിന്തിക്കേണ്ടതാണ്.
“പറക്കണമെന്ന ആഗ്രഹം
നിന്നിൽ അതിശക്തമാകുമ്പോൾ
പുഴുവായിരുന്നാൽ പോരെന്ന വിചാരം
നിന്നിൽ അതിതീവ്രമാകും
അങ്ങനെ അതു സംഭവിക്കും”
തവിട്ടുമുനി എന്ന ശലഭം മഞ്ജുവിന് നൽകുന്ന ഈ അറിവ് മനുഷ്യനിലും പ്രയോഗിക്കാവുന്നതാണ്.
“ചിത്രശലഭം! അതാണ് നീ ആയിത്തീരേണ്ടത്
ചിത്രശലഭത്തിന് ചിറകുകളുണ്ട്, പറക്കും
ഭൂമിയെ സ്വർഗ്ഗവുമായി നെയ്ത് ചേർക്കും
അതിന്റെ ഭക്ഷണം പൂക്കളിലെ അമൃതാണ്
മാത്രമല്ല
സ്നേഹത്തിന്റെ വിത്തുകൾ ഒരു പൂവിൽ നിന്ന്
മറ്റൊരു പൂവിലേക്ക് കടത്തിക്കൊണ്ട് ചെല്ലും
ചിത്രശലഭങ്ങളില്ലെങ്കിൽ പൂക്കളുണ്ടാവില്ല”
അതെ, മനുഷ്യൻ ചിത്രശലഭത്തിൽ നിന്നും പഠിക്കണം.
കൌമാരപ്രായക്കാർക്ക് വേണ്ടി തീം സെന്റേഡ് ഇന്ററാക്ഷൻ (TCI) അധിഷ്ഠിതമായി രൂപകല്പന ചെയ്ത ശലഭ സാക്ഷരതാ യജ്ഞത്തിന്റെ ആശയാവിഷ്കാരമാണ് ദ ബട്ടര്‍ഫ്ലൈ എഫക്ട്. 2018ലെ റിപബ്ലിക് ദിനത്തിൽ ആരംഭിച്ച് 2020ലെ കേരളപ്പിറവി ദിനത്തിൽ ഏകദേശം 1000 ദിവസങ്ങളിലൂടെ പൂർണ്ണമാകുന്ന യജ്ഞത്തിൽ 100 വിദ്യാലയങ്ങളിൽ നിന്നും 2000 കൌമാരക്കാരിലൂടെ നവസമൂഹരചന എന്ന ബൃഹത്തായ ആശയത്തിന് ഇതിലൂടെ രൂപം തെളിയും.
“ശരിയാണ് മരിക്കണം
അപ്പോഴാണ് നീ ജനിക്കുന്നത്” - എത്ര അർത്ഥവത്തായ തിരിച്ചറിവ്‌.
പ്രസാധകര്‍ : റിപ്പിള്‍സ് ഫോറം ഫോര്‍ ക്രിയേറ്റീവ് ഇന്റെര്‍വേന്‍ഷന്‍സ്,കോട്ടയം
രചയിതാവ് : ഡോ.സി. തോമസ് എബ്രഹാം
പേജ് : 120
വില: Rs. 130/-
2 comments:
Andy Andrewസിന്‍റെ ഒരു പുസ്തകമുണ്ട്. ഇതേ പേരില്‍. ഇത് അതിന്റെ പരിഭാഷയാണോ മാഷേ?
മുബീ...അല്ല. ഇത് സ്വതന്ത്രമായ ഒരു മലയാള പുസ്തകം.പോസ്റ്റിന്റെ ബാക്കി കൂടി ഞാൻ ചേർക്കുന്നുണ്ട്.
Post a Comment
നന്ദി....വീണ്ടും വരിക