Pages

Thursday, July 30, 2015

ജ്വലിക്കുന്ന മനസ്സുകള്‍ (Ignited Minds)

          കഴിവും വൈദഗദ്യവുമുള്ള ഒരു ജനതയുടെ പതനത്തിന്റെ കാരണങ്ങളെക്കുറിച്ചുള്ള അന്വേഷണം – അന്തരിച്ച മുന്‍ രാഷ്ട്രപതി ശ്രീ. എ.പി.ജെ അബ്ദുല്‍കലാമിന്റെ ജ്വലിക്കുന്ന മനസ്സുകള്‍ (Ignited Minds) എന്ന പുസ്തകത്തെപ്പറ്റി ഒറ്റ വാചകത്തില്‍ ഇങ്ങനെ പറയാം. 

         6 മാസങ്ങള്‍ക്ക് മുമ്പ് ഈ പുസ്തകം വായിച്ചപ്പോള്‍ എന്നെ ആകര്‍ഷിച്ച ചില വാക്യങ്ങള്‍ അന്നേ നോട്ട് ചെയ്തിരുന്നു.ഇന്ത്യയുടെ “മിസൈല്‍ മാന് “ ദര്‍ഗ്ഗകളില്‍ നിന്ന് ഊര്‍ജ്ജം ലഭിച്ചു എന്ന് സൂചിപ്പിക്കുന്ന ഈ പുസ്തകത്തിലെ ചില വരികളെക്കുറിച്ച് ചോദ്യങ്ങള്‍ ഉന്നയിക്കണം എന്നും കരുതിയിരുന്നു.തയ്യാറാക്കിയ എന്റെ കുറിപ്പുകള്‍ കടലാസ് കൂട്ടത്തില്‍ ഒഴുകി ചേര്‍ന്നപ്പോള്‍ , ഇന്ത്യ കണ്ട ആ അസാധാരണ പ്രതിഭ കാലയവനികക്കുള്ളിലേക്കും മറഞ്ഞു.
അന്ന് രേഖപ്പെടുത്തിയ ആ കുറിപ്പുകള്‍ ഇപ്പോള്‍ തിരിച്ച് കിട്ടുമ്പോള്‍ എന്നെ ആകര്‍ഷിച്ച ചില വരികള്‍ ആ മഹാമനുഷ്യന് മുമ്പില്‍ പ്രണാമമായി അര്‍പ്പിക്കുന്നു.

          “പരസ്പര ബന്ധമില്ലായ്മയാണ് ഇന്ത്യന്‍ ഗ്രാമങ്ങള്‍ നേരിടുന്ന ഏറ്റവും വലിയ ബുദ്ധിമുട്ട്.റിംഗ് റോഡ് നിര്‍മ്മിച്ച് ഗ്രാമങ്ങള്‍ തമ്മില്‍ ബന്ധിപ്പിച്ചാല്‍ ഇതേ ഗ്രാമങ്ങള്‍ പലതരം സേവനങ്ങള്‍ക്കുമുള്ള വിപുലമായൊരു കമ്പോളമായിത്തീരും.“ ഗ്രാമങ്ങളെ പുനരുജ്ജീവിപ്പിക്കാനുള്ള വളരെ നല്ല ഒരാശയമായി തോന്നുന്നു.

         ഗ്രാമങ്ങളിലേയും നഗരങ്ങളിലേയും ജീവിതം ഒരുപോലെ ആകര്‍ഷകമാവുകയും അങ്ങോട്ടുമിങ്ങോട്ടും കുടിയേറ്റം നടക്കാതിരിക്കുകയും ചെയ്യുകയെന്നതാണ് അഭികാമ്യം – PURA (Provision for Urban amenities in Rural Areas) എന്ന ആശയം ഈ ചിന്തയുടെ ഭാഗമാണ്.

        ഒരു രാജ്യത്തിനും ജനതക്കും അത്യുന്നത പദവിയിലെത്തണമെന്നുണ്ടെങ്കില്‍ ഭൂതകാലത്തെ അവരുടെ വീരനായകന്മാരുടെയും സാഹസകൃത്യങ്ങളുടെയും വിജയങ്ങളുടെയും പൊതുവായ സ്മരണകളുണ്ടാവണം.സ്വന്തമായൊരു സംസ്കാരത്തിന്റെ ഉടമയാണ് ഞങ്ങളെന്ന അഭിമാനം ജപ്പാന്‍‌കാര്‍ക്കുണ്ട്..അതുകൊണ്ടാണ് സൈനികപരാജയം മൂലമുണ്ടായ അപമാനഭാരത്തെ സാമ്പത്തിക വിജയമാക്കി മാറ്റാന്‍ അവര്‍ക്ക് സാധിച്ചത്.- എല്ലാ രാജ്യക്കാര്‍ക്കും ഉത്തേജനം നല്‍കുന്ന വരികള്‍.

           ഒരു വികസ്വര രാഷ്ട്രമായി മുന്നോട്ട് കുതിക്കുക അല്ലെങ്കില്‍ രാഷ്ട്രീയ സാമ്പത്തിക മേഖലകളില്‍ ലോകത്തെ നിയന്ത്രിക്കുന്ന ചുരുക്കം ചില രാജ്യങ്ങള്‍ക്കടിപ്പെട്ട് നിത്യദാരിദ്ര്യത്തിലാണ്ട് നശിക്കുക . ബലവാന്‍ ബലവാനെ മാനിക്കും (Power respects Power). ഇന്ത്യന്‍ യുവതയോട് ശ്രീ.എ.പി.ജെയുടെ നിര്‍ദ്ദേശമാണിത്.

           മഹത്തായ ഒരു ലക്ഷ്യമോ അസാധാരന്ണമായ ഒരു പദ്ധതിയോ നിങ്ങള്‍ക്ക് പ്രചോദനമാകുമ്പോള്‍ നിങ്ങളുടെ ചിന്തകള്‍ അവയുടെ അതിര്‍ത്തികള്‍ കടന്ന് ചെല്ലും.നിങ്ങളുടെ മനസ്സ് പരിമിതികളെ ഉല്ലംഘിക്കും.നിങ്ങളുടെ ബോധമണ്ഡലം നാനദിക്കിലേക്കും വികസിക്കും.ഒരു പുതിയ മഹത്തായ അത്ഭുതകരമായൊരു ലോകത്ത് നിങ്ങളെത്തിച്ചേരും.സുപ്താവസ്ഥയിലുള്ള ശക്തികളും കഴിവുകളും വാസനകളും ഉയിര്‍ത്തെഴുന്നേല്‍ക്കും.നിങ്ങള്‍ സ്വപ്നത്തില്‍ പോലും കരുതാത്തത്ര മഹത്വമുള്ളൊരു വ്യക്തിയാണ് നിങ്ങളെന്ന് സ്വയം കണ്ടെത്തും.- യോഗസൂത്രയില്‍ പതഞ്ജലി പറഞ്ഞ കാര്യങ്ങള്‍ സ്വന്തം ജീവിതത്തിലൂടെ ശ്രീ.എ.പി.ജെ തെളിയിച്ചു.

          തന്നെ ഏറ്റവും കൂടുതല്‍ സ്വാധീനിച്ച പുസ്തകങ്ങളായി ശ്രീ കലാം പറയുന്നത്  Alexis Karel ന്റെ  Man the Unknown , Thiruvalluvar ടെ Thirukkural, Lilyan Aikkar Watson ന്റെ Light from Many Lamps, Holy Quran എന്നിവയാണ്.

മലയാള വിവര്‍ത്തനം : ശ്രീ.എം.പി.സദാശിവന്‍
പ്രസാധനം : ഡി.സി.ബുക്സ്

112 പേജ് , വില 80 രൂപ.

8 comments:

Areekkodan | അരീക്കോടന്‍ said...

അന്ന് രേഖപ്പെടുത്തിയ ആ കുറിപ്പുകള്‍ ഇപ്പോള്‍ തിരിച്ച് കിട്ടുമ്പോള്‍ എന്നെ ആകര്‍ഷിച്ച ചില വരികള്‍ ആ മഹാമനുഷ്യന് മുമ്പില്‍ പ്രണാമമായി അര്‍പ്പിക്കുന്നു.

ajith said...

പ്രണാമങ്ങള്‍

ramanika said...

Salaam kalaam sir!

വിനോദ് കുട്ടത്ത് said...

അഗ്നി ചിറകുകൾ ബാക്കിയാക്കി കലാം സാര്‍ കാലയവനികക്കുള്ളില്‍ മറഞ്ഞു.....

Mubi said...

Respect....

Cv Thankappan said...

പ്രണാമം....................

സുധീര്‍ദാസ്‌ said...

തലച്ചോറിന്റെ ഭാഷയാണ് ശാസ്ത്രം. ഹൃദയത്തിന്റെ ഭാഷ് കലയും. രണ്ടും ഒരുമിച്ച് പോകാറില്ല. കലാം സാര്‍ വലിയൊരു പരിധി വരെ രണ്ടിനേയും ഒരുപോലെ സ്‌നേഹിക്കാന്‍ കഴിഞ്ഞ അപൂര്‍വ്വ മനുഷ്യനാണ്. പ്രചോദിപ്പിക്കുന്ന ഓര്‍മ്മകള്‍ക്കു മുന്നില്‍ തലകുനിയ്ക്കുന്നു.

Areekkodan | അരീക്കോടന്‍ said...

അശ്രുപുഷ്പങ്ങളോടെ ഞാനും...

Post a Comment

നന്ദി....വീണ്ടും വരിക