ഈ ഉത്തരവാദിത്വബോധം ആരുടേതാണാവോ?

ഈ ഉത്തരവാദിത്വബോധം ആരുടേതാണാവോ?


ഇന്ന് പുലര്‍ച്ചെ അഞ്ച് മണിക്ക് ,അലാറം അടിക്കാന്‍ മുട്ടി നിന്ന എന്റെ മൊബൈലില്‍ നിന്ന് മെസേജ് ടോണ്‍ കേട്ടപ്പോള്‍ ഞാന്‍ ചാടി എണീറ്റ് നോക്കി.അസമയത്തെ കാ‍ളും കോളും പെട്ടെന്ന് നോക്കിയില്ലെങ്കില്‍ ജീവിതം തന്നെ നഷ്ടപ്പെടുന്ന അവസ്ഥയിലാക്കിയിരിക്കുകയാണല്ലോ നമ്മുടെ കമ്പനിക്കാര്‍ എല്ലാം കൂടി.ഓപണ്‍ ചെയ്ത മെസേജ് ഇതായിരുന്നു.


“Your A/c XXXXXXX is debited with Rs 4500. Balance is Rs 3148"  !!!


നാല് ദിവസം മുമ്പ് ഇന്‍ഷൂറന്‍സ് പ്രീമിയം അടച്ചതിന് നല്‍കിയ ചെക്ക് കളക്ഷനായത് അന്നേരത്തോ?അതല്ല അക്കൌണ്ട് ട്രാന്‍സാക്ഷനുകള്‍ അലെര്‍ട്ട് ചെയ്യണമെന്ന് ആവശ്യപ്പെട്ടതനുസരിച്ച് ഫെഡറല്‍ ബാങ്ക് സര്‍വ്വര്‍ സമയം പാലിച്ചതോ? അതുമല്ല എന്നോ വിട്ട സന്ദേശം വീണ്ടും എന്നെ കാണാഞ്ഞ് കറങ്ങിത്തിരിഞ്ഞ് മൂക്കുകുത്തി വീണതോ?


ഏതായാലും ഈ ഉത്തരവാദിത്വബോധത്തിനു മുമ്പില്‍ കൈകൂപ്പുന്നു.