Pages

Saturday, January 28, 2017

ഒറ്റയടിപ്പാതകള്‍ – ഒരു വായനാനുഭവം

       ശ്രീ.സി.രാധാകൃഷ്ണന് എഴുത്തച്ഛന്‍ പുരസ്കാരം കിട്ടിയതിന് ശേഷം, അദ്ദേഹത്തിന്റെ ഒരു പുസ്തകം പോലും ഇതുവരെ വായിക്കാന്‍ കഴിഞ്ഞില്ലല്ലോ എന്ന ഒരു സങ്കടം എന്റെ മനസ്സില്‍ നിലനിന്നിരുന്നു. ആയിടക്കാണ് കോളേജില്‍ ഞാന്‍ കസ്റ്റോഡിയനായ ലാബില്‍ ഒരു പുന:ക്രമീകരണം നടന്നത്. ആവശ്യമില്ലാത്ത നിരവധി കടലാസുകള്‍ പല സ്ഥലത്തും വാരി വിതറി ആകെ അലങ്കോലമായിക്കിടന്ന ആ ലാബിലേക്ക് ചെല്ലുമ്പോഴേ ഇറങ്ങിപ്പോവാനായിരുന്നു പലപ്പോഴും തോന്നാറ്. ആ കടലാസുകള്‍ പെറുക്കി കൂട്ടുന്നതിനിടക്ക് മേശക്കകത്ത് നിന്നും ആരോ ഉപേക്ഷിച്ചു പോയ ഒരു പുസ്തകം എന്നെ തുറിച്ച് നോക്കി – സി.രാധാകൃഷ്ണന്‍ എഴുതിയ ഒറ്റയടിപ്പാതകള്‍ എന്ന പുസ്തകമായിരുന്നു അത്!

       പുസ്തകത്തിന്റെ പേര് ആകര്‍ഷകമായിരുന്നില്ല എങ്കിലും ഞാന്‍ അന്വേഷിച്ചു നടക്കുന്ന എഴുത്ത്കാരന്റെതായതിനാല്‍ ഒന്ന് മറിച്ച് നോക്കി.പുസ്തകത്തിലെ ആദ്യത്തെ വരികള്‍ ഇങ്ങനെയായിരുന്നു – “രണ്ടാലൊന്ന് പറയൂ,സതീ” – അനൂപ് കൈകള്‍ മാറത്ത് പിണച്ചുകെട്ടി ഓരം തിരിഞ്ഞ് നിന്നു.പരിഭവവും നേരിയ നിരാശയും ആ സ്വരത്തിലുണ്ടായിരുന്നു.

       ആഞ്ഞ് വീശാന്‍ പോകുന്ന ഒരു കൊടുങ്കാറ്റിന്റെ ശാന്തത ആ വരികളില്‍ ഞാന്‍ ദര്‍ശിച്ചു.പിന്നീടുള വരികള്‍ ഞാന്‍ എന്നും സ്വപ്നം കാണുന്ന പഴക്കമു ഒരു മാളിക വീടിനെപ്പറ്റിയായിരുന്നു.പൈങ്കിളി വര്‍ത്തമാനങ്ങള്‍ ഇല്ലാത്ത ഒരു പ്രണയ കഥയുടെ ഒഴുക്ക് അവിടെ ആരംഭിക്കുകയായിരുന്നു. ഒറ്റ ഇരുപ്പിന് തന്നെ പുസ്തകത്തിന്റെ പകുതിയിലധികം ഞാന്‍ പിന്നിട്ടു.

       അനൂപ്,സതി,അസുഖം ബാധിച്ച സതിയുടെ അനുജന്‍,അച്ഛന്‍ എന്നിവരുടെ ധര്‍മ്മസങ്കടമാണ് നോവലിന്റെ ഇതിവൃത്തം.അനൂപും സതിയും തമ്മിലു പ്രണയവും സതിയും അനുജനും തമ്മിലു അഗാധമായ സാഹോദര്യ ബന്ധവും അതിനിടയില്‍ അച്ഛന്‍ അനുഭവിക്കുന്ന ടെന്‍ഷനും കൊണ്ട് നോവല്‍ വായനക്കാരനെ മുന്നോട്ട് നയിക്കുന്നു.അവസാന ഭാഗത്തേക്കെത്തുമ്പോള്‍ ചെയ്യുന്ന കാര്യങ്ങള്‍ മനുഷ്യത്വപരമായി ശരിയോ തെറ്റോ എന്നൊരു ചോദ്യവും ഉളിലിട്ടു കൊണ്ടായിരിക്കും ഏതൊരു വായനക്കാരനും ഒറ്റയടിപ്പാതകള്‍ പൂര്‍ത്തിയാക്കുക.


       പുസ്തകത്തിലെ ഇരുപത് അദ്ധ്യായങ്ങളില്‍ ഒന്ന് മാത്രമാണ് അല്പമെങ്കിലും വായനാസുഖം ഇല്ലാതാക്കുന്നത്.ആ അദ്ധ്യായം വല്ലാതെ വലിഞ്ഞു പോകുന്നോ എന്നൊരു സംശയം ഉണ്ടായേക്കാം.എങ്കിലും വായനക്കാരനെ ആകാംക്ഷയുടെ മുള്‍മുനയില്‍ നിര്‍ത്തി മുന്നോട്ട് കൊണ്ടുപോകാന്‍ സാധിക്കുന്നുണ്ട്. എന്നിട്ടും ഏതൊരു കഥയിലും ചെയ്യുന്നത് പോലെ ശുഭപര്യവസാനിയായി ഈ നോവല്‍ മാറുന്നില്ല. അവസാന വരി കുറിക്കുന്ന പോലെ ഏതുമാകാം, നല്ലതും നല്ലതിനാകുമെന്ന് വിശ്വസിക്കുക.

പുസ്തകം: ഒറ്റയടിപ്പാതകള്‍
രചയിതാവ് : സി.രാധാകൃഷ്ണന്‍
പ്രസാധകര്‍: പൂര്‍ണ്ണ പബ്ലിക്കേഷന്‍സ്
പേജ്:184

വില:115 രൂപ (2009)

(ഈ നോവല്‍ സിനിമയായി ചിത്രീകരിച്ചിട്ടുണ്ട്)

5 comments:

Areekkodan | അരീക്കോടന്‍ said...

ഒറ്റ ഇരുപ്പിന് തന്നെ പുസ്തകത്തിന്റെ പകുതിയിലധികം ഞാന്‍ പിന്നിട്ടു.

സുധി അറയ്ക്കൽ said...

വായിക്കാനുള്ള പ്രേരണം കിട്ടിയോന്നൊരു സംശയം.

Areekkodan | അരീക്കോടന്‍ said...

സുധീ...വായിച്ച് ആസ്വദിക്കുക.

© Mubi said...

വായിച്ചതാണ് മാഷേ... വീണ്ടും ഒന്നൂടെ വായിക്കാന്‍ തോന്നുന്നു :)

Areekkodan | അരീക്കോടന്‍ said...

മുബീ...നന്ദി

Post a Comment

നന്ദി....വീണ്ടും വരിക