Pages

Tuesday, March 17, 2009

"അര്‍ജുനന്‌ യുദ്ധം പുല്ലല്ലേ ടീച്ചര്‍?"

B Ed-ന്‌ പഠിക്കുന്ന കാലം.ഷൌക്കത്ത്‌ സാറിണ്റ്റെ സോഷ്യോളജി ക്ളാസ്‌ ജനറല്‍ ക്ളാസ്‌റൂമിലായതിനാലും ഉച്ചസമയത്തിലായതിനാലും, ക്ളാസിന്‌ തൊട്ടുതാഴെ പാലസ്‌ ഹോട്ടലില്‍ നിന്ന്‌ പൊങ്ങിവന്ന ബിരിയാണിയുടെ വാസനയില്‍ മുങ്ങി അറിയാതെ കടന്നുപോയി.ഉച്ചക്ക്‌ ശേഷം ഓപ്ഷണല്‍ സബ്ജക്ടിണ്റ്റെ ക്ളാസാണ്‌.കുടുസ്സായ ക്ളാസ്‌മുറിയില്‍ വാഗണ്‍ട്രാജഡിയെ ഓര്‍മ്മിപ്പിച്ച്‌ എന്നും ഞങ്ങള്‍ മുപ്പത്‌ പേര്‍ കുത്തിത്തിരക്കി ഇരുന്നു.അന്ന്‌ ആ ക്ളാസ്സില്‍ നിന്നും എങ്ങനെ രക്ഷപ്പെടാം എന്നാലോചിച്ച്‌ നില്‍ക്കുമ്പോഴാണ്‌ തലേന്ന്‌ ക്ളാസില്‍ വായിച്ച നോട്ടീസ്‌ എണ്റ്റെ ഓര്‍മ്മയില്‍ മിന്നിത്തെളിഞ്ഞത്‌.

"ഈ വര്‍ഷത്തെ ഇണ്റ്റര്‍ക്ളാസ്‌ ചെസ്ചാമ്പ്യന്‍ഷിപ്‌ നാളെ ഉച്ചക്ക്‌ ശേഷം ലൈബ്രറി ഹാളില്‍ വച്ച്‌ നടക്കുന്നതാണ്‌.പങ്കെടുക്കാന്‍ താല്‍പര്യമുള്ളവര്‍ ഉച്ചക്ക്‌ ഒന്നരമണിക്ക്‌ ലൈബ്രറി ഹാളില്‍ റിപ്പോര്‍ട്ട്‌ ചെയ്യേണ്ടതാണ്‌." രക്ഷപ്പെടാന്‍ ഒരു പിടിവള്ളി കിട്ടിയതില്‍ എണ്റ്റെ മനസ്സില്‍ തൃശൂറ്‍ പൂരം അരങ്ങേറി.

'ടീച്ചര്‍ വരട്ടെ....സമ്മതം വാങ്ങി പോയാല്‍ അറ്റന്‍ഡന്‍സിന്‌ പിന്നീട്‌ യാചിക്കേണ്ട....' മനസ്സില്‍ കരുതിക്കൊണ്ട്‌ ഞാന്‍ ക്ളാസ്സില്‍ തന്നെ ഇരുന്നു.

തൊട്ടപ്പുറത്ത്‌ ഉര്‍ദു ക്ളാസില്‍ നിന്നും ബഹളം ഉയരുന്നുണ്ട്‌.ഉര്‍ദു ടീച്ചര്‍ ഒരു മാവേലി ആയിരുന്നതിനാല്‍ ബഹളം അവിടെ പതിവായിരുന്നു.കൃത്യസമയത്ത്‌ തന്നെ ഞങ്ങളുടെ ടീച്ചര്‍ എത്തി.പ്രാഥമിക കര്‍മ്മമായ അറ്റന്‍ഡന്‍സ്‌ വിളിച്ചു.ദ്വിതീയ കര്‍മ്മത്തിലേക്ക്‌ കടക്കും മുമ്പ്‌ ഞാന്‍ മെല്ലെ എണീറ്റു നിന്നു.

"ഉം....എന്താ ഇന്നത്തെ കോള്‌?" സ്ഥിരം പുള്ളിയായതിനാല്‍ ഞാന്‍ പൊങ്ങിയതിന്‌ പിന്നാലെ ടീച്ചറുടെ ചോദ്യം വന്നു.

"ടീച്ചര്‍.....ഇന്നാണ്‌ സെസ്‌ മത്സരം...."ഉത്തരം പറയുന്നതിനിടയില്‍ എണ്റ്റെ നാവൊന്നിടറി.

"ങേ...സെക്സ്‌ മത്സരമോ?" സഹപാഠികളുടെ കൂട്ടച്ചിരിക്കിടയിലൂടെ ടീച്ചറുടെ അത്ഭുതം കൂറിയ ചോദ്യം വന്നു.

"സോറി ടീച്ചര്‍.....ചെസ്‌ മത്സരം.... ഞാന്‍ ഒരു മത്സരാര്‍ത്ഥിയാണ്‌"

"ഓ....ചെസ്‌ മത്സരം...ഓകെ യൂ കാന്‍ പാര്‍ട്ടിസിപേറ്റ്‌....പക്ഷേ മത്സരം തീര്‍ന്നാലുടന്‍ ക്ളാസ്സില്‍ തിരിച്ചെത്തണം..... "

എണ്റ്റെ പ്ളാനിന്‌ കടക വിരുദ്ധമായിരുന്നെങ്കിലും താല്‍കാലിക രക്ഷ നേടിയ സന്തോഷത്തില്‍ ഞാന്‍ ക്ളാസില്‍ നിന്നും പുറത്തിറങ്ങി നേരെ ലൈബ്രറി ഹാളിലേക്ക്‌ നടന്നു.വലുപ്പം കൊണ്ട്‌ വലിയ മാസ്റ്റര്‍മാരും (ഗ്രാണ്റ്റ്‌ മാസ്റ്റര്‍) എന്നെപ്പോലെയുള്ള ഇമ്മിണി ബല്യ മാസ്റ്റര്‍മാരും അടക്കമുള്ളവര്‍ അവിടെ നിരന്ന്‌ കഴിഞ്ഞിരുന്നു.

ചെസ്‌ ഇതുവരെ കളിച്ചിട്ടില്ലാത്ത ഞാന്‍ എണ്റ്റെ എതിരാളിയെ ഒന്ന്‌ നോക്കി - ഉര്‍ദു ക്ളാസ്സിലെ 'കട്ടപൊഹ'യായ ഫൈസല്‍ ! രണ്ട്‌ മിനുട്ട്‌ കൊണ്ട്‌ തീര്‍ത്തുവിട്ടേക്കാവുന്ന കേസ്‌!!!മത്സരത്തിനായി ഞങ്ങള്‍ മുഖാമുഖം ഇരുന്നു.ആദ്യ നീക്കം ഞാന്‍ തന്നെ നടത്തി.ആദ്യത്തെ ചില നീക്കങ്ങള്‍ പലരും കണ്ണുമടച്ച്‌ ചെയ്യുന്നത്‌ കണ്ടിട്ടുള്ള ഞാന്‍ അവണ്റ്റെ നീക്കങ്ങള്‍ ആ സമയത്ത്‌ ശ്രദ്ധിച്ചതേ ഇല്ല.

കളി രണ്ട്‌ മിനുട്ട്‌ പിന്നിട്ടതേയുള്ളൂ. ഫൈസല്‍ വിളിച്ചു :"ചെക്ക്‌"

"എനിക്കോ ?" ഞാന്‍ ചോദിച്ചു.

"അല്ല... നിണ്റ്റെ കിങ്ങിന്‌?"

"ങേ...അതെന്താ സാധനം?" കളിയുടെ ഒരു ഏബിസിഡിയും അറിയാതിരുന്ന ഞാന്‍ ചോദിച്ചു.

"ഹ ഹാ...നിണ്റ്റെ രാജാവിനെ ഞാന്‍ വെട്ടുന്നു എന്ന്‌..." ചുറ്റുമുള്ളവരുടെ കൂട്ടച്ചിരിക്കിടയില്‍ ഫൈസല്‍ പറഞ്ഞു.

"രാജാവ്‌ പോകട്ടെ...ബാക്കി ആളെ വച്ച്‌ ഞാന്‍ പയറ്റി നോക്കട്ടെ..." എണ്റ്റെ ഉത്തരം അതായിരുന്നു.

"ഹ ഹാ..." വീണ്ടും കൂട്ടച്ചിരി മുഴങ്ങുന്നതിനിടെ അടുത്ത മത്സരാര്‍ത്ഥികള്‍ക്ക്‌ ഇരിക്കാനായി ആരോ എന്നെ എഴുന്നേല്‍പ്പിച്ചു.

ഇനി എന്തു ചെയ്യണമെന്നറിയാതെ ഞാന്‍ വശം കെട്ടു.ടീച്ചര്‍ പറഞ്ഞ പ്രകാരം ക്ളാസ്സിലേക്ക്‌ തന്നെ തിരിച്ചു പോകണം.'ഇറങ്ങിയിട്ട്‌ അഞ്ച്‌ മിനുട്ടായിട്ടില്ല,അതിന്‌ മുമ്പേ തിരിച്ചു ചെന്നാല്‍ ? ആരെങ്കിലും മത്സരത്തിണ്റ്റെ റിസല്‍ട്ട്‌ ചോദിച്ചാല്‍ ?ഛെ...വേണ്ടില്ലായിരുന്നു....ഇന്ന്‌ ആരും ചോദിച്ചില്ലെങ്കിലും നാളെ കോളേജ്‌ മുഴുവന്‍ എണ്റ്റെ കളിയുടെ വാര്‍ത്ത ഫ്ളാഷാകും'. ടോട്ടല്‍ കണ്‍ഫ്യൂഷനില്‍ ഞാന്‍ ക്ളാസ്സിലേക്ക്‌ നീങ്ങി.

"ഹ....ഇത്ര എളുപ്പം കഴിഞ്ഞോ?" വാതിലില്‍ എണ്റ്റെ മുഖം കണ്ട പാടേ ടീച്ചര്‍ ചോദിച്ചു.

"അര്‍ജുനന്‌ യുദ്ധം പുല്ലല്ലേ ടീച്ചര്‍?" എന്ന മറുചോദ്യത്തോടെ ഞാന്‍ മെല്ലെ സീറ്റില്‍ പോയിരുന്നു.

9 comments:

Areekkodan | അരീക്കോടന്‍ said...

"ഹ....ഇത്ര എളുപ്പം കഴിഞ്ഞോ?" വാതിലില്‍ എണ്റ്റെ മുഖം കണ്ട പാടേ ടീച്ചര്‍ ചോദിച്ചു.
"അര്‍ജുനന്‌ യുദ്ധം പുല്ലല്ലേ ടീച്ചര്‍?" എന്ന മറുചോദ്യത്തോടെ ഞാന്‍ മെല്ലെ സീറ്റില്‍ പോയിരുന്നു.
ഈ ബ്ളോഗില്‍ എണ്റ്റെ ഇരുനൂറ്റി അമ്പത്തി ഒന്നാമത്‌ പോസ്റ്റ്‌.

ശ്രീ said...

ന്യായമായ മറുചോദ്യം...
:)

siva // ശിവ said...

ഹ ഹ വല്ലഭന് പുല്ലും ആയുധം....

Sureshkumar Punjhayil said...

Sharikkum purakilekku kondu pokunnu. Manoharam. Ashamsakal.

Areekkodan | അരീക്കോടന്‍ said...

ശ്രീ,ശിവ,Suresh.... നന്ദി

Areekkodan | അരീക്കോടന്‍ said...

ഇതേ പോസ്റ്റിന്‌ മഴത്തുള്ളികളില്‍ ഇവര്‍ ഇങ്ങനെ അഭിപ്രായപ്പെട്ടു.

Comment by SalisH BharatH ആസ്ഥാന ബുജി ! on March 17, 2009 at 4:33pm

KOLLAM NICE

Comment by Mathew on March 17, 2009 at 5:48pm

ഹഹഹ അങ്ങനെ ഞൊടിയിടക്കുള്ളില്‍ യുദ്ധം അവസാനിച്ചു അല്ലേ. അല്ലാതെ വിശ്വനാഥന്‍ ആ‍നന്ദിനേപ്പോലെ കുത്തിപ്പിടിച്ചിരുന്നില്ലല്ലോ :)

നന്നായി രസിച്ചു വായിച്ചു.

Comment by AJITHKUMAR.vp on March 17, 2009 at 6:44pm

very nice.......

Comment by noushad on March 19, 2009 at 1:18pm

very good

Comment by G. Manu on March 21, 2009 at 4:11pm

so nice

Areekkodan | അരീക്കോടന്‍ said...

എല്ലാവര്‍ക്കും നന്ദി.

Sureshkumar Punjhayil said...

Theerchayayum... Theerthum Nostalgic .... Valare manoharam. Ashamsakal...!!!

ബഷീർ said...

ഈ വഴി വന്നിട്ട് കുറെ നാളായി.. ഇങ്ങിനെയൊരു മത്സരം നടക്കുന്നത് അറിഞ്ഞില്ല..

ഇങ്ങള് ആളൊരു സഹലകലാബല്ലബൻ ആയിരുന്നു അല്ലേ.. അസൂഷ തോന്നുന്നു

Post a Comment

നന്ദി....വീണ്ടും വരിക