ഒരു മൂക്കടപ്പിന് ഇതാണ് സ്ഥിതിയെങ്കില്‍ ?

വല്ലാതെ അലട്ടിക്കൊണ്ടിരുന്ന മൂക്കടപ്പ് ഒന്ന് ചികിത്സിച്ച് ഭേദമാക്കാന്‍ പോക്കരാക്ക വൈദ്യമഠത്തിലെത്തി.പരിശോധനക്ക് ശേഷം വൈദ്യര്‍ പറഞ്ഞു.
“ഇത് ചികിത്സിച്ച് ഭേദമാക്കാം.പക്ഷേ കുറച്ച് പഥ്യങ്ങള്‍ പാലിക്കണം...”

“ആ...കേക്കട്ടെ...” പോക്കരാക്ക തലയാട്ടി.

“ഇറച്ചിയും മീനും കഴിക്കാന്‍ പാടില്ല...”

“അയ്ക്കോട്ടെ...”

“പാലും മുട്ടയും ഒഴിവാക്കണം....”

“ങും...”

“കയ്പും മധുരവും ഭക്ഷണത്തില്‍ ഉണ്ടാവരുത്...”

“ഉം...”

“എരിവും പുളിയും നിര്‍ത്തണം...”

“ഫൂ....അപ്പോ പിന്നെ ഞാന്‍ വൈക്കോല്‍ തിന്നാ ജീവിക്കേണ്ടത്...?“