ചക്കക്കുരു ഗാതറിംഗ്‌!!!

സ്കൂളില്‍ നടന്ന ചില പ്രോഗ്രാമുകളെക്കുറിച്ച്‌ ഞാന്‍ മക്കളോട്‌ ചോദിച്ചു കൊണ്ടിരിക്കുകയായിരുന്നു. "ഉപ്പച്ചീ....ചക്കക്കുരു മത്സരം ഉണ്ടായിരുന്നു..."LKG ക്കാരി പറഞ്ഞു. "ങേ!!!.ചക്കക്കുരു മത്സരമോ?" ഞാന്‍ ഞെട്ടി. "ആ....അത്‌.....അഞ്ച്‌ ചക്കക്കുരു വയ്ക്കും...എന്നിട്ട്‌ ഓടിപ്പോയി ഓരോന്നോരോന്നായി എടുത്ത്‌ കൊണ്ടുവരണം...."മൂത്തമകള്‍ വിശദീകരിച്ചു തന്നു. "ഓ...പൊട്ടാറ്റോ ഗാതറിംഗ്‌.... " "ആ..കഴിഞ്ഞ വര്‍ഷം അത്‌ ബിസ്കറ്റ്‌ വച്ചായിരുന്നു നടത്തിയത്‌ ... " "പിന്നെന്തേ ഈ വര്‍ഷം ചക്കക്കുരു ആക്ക്യേത്‌?" ഞാന്‍ ചോദിച്ചു. "അതോ കഴിഞ്ഞ വര്‍ഷം ആദ്യം ഓടിയവന്‍ മറ്റേ അറ്റത്ത്‌ പോയി എല്ലാ ബിസ്കറ്റും എടുത്ത്‌ വായിലിട്ടങ്ങ്‌ തിന്നു....ഇത്തവണ ആരും അങ്ങനെ ചെയ്യാതിരിക്കാന്‍ ബിസ്കറ്റിന്‌ പകരം ചക്കക്കുരുവാക്കി...!!! "