എസ്.എസ്.എൽ.സി എന്നൊക്കെ പറയുന്നത് വല്യൊരു സംഭവമായിരുന്നു ....

"ഈ എസ്.എസ്.എൽ.സി എന്നൊക്കെ പറയുന്നത് വല്യൊരു സംഭവമായിരുന്നു ...."

"എന്ന്? "

"ഒരു.... ഒരു.... 1986-87 കാലഘട്ടത്തിൽ...."

"അതെന്തേ അന്ന് അതൊരു സംഭവമായത്?"

"എസ്.എസ്.എൽ.സി എന്ന് പറയാൻ കമ്പവും കേൾക്കാൻ ഇമ്പവും (എഴുതാൻ നൊമ്പരവും) ഉള്ള നല്ലൊരു പേര്....അതിലെ എല്ലിനെ പിടിച്ചൂരി എസ്.എസ്.സി എന്നാക്കി മാറ്റിയ ആ കാലത്താണ് ഇന്നു വരെ തിരുത്തപ്പെടാത്ത റെക്കോർഡ് മാർക്കായ 982ഉം വാങ്ങി ഡിസ്റ്റിൻക്ഷൻ എന്ന അന്നേ വരെ കേൾക്കാത്ത ഒരു ക്ലാസ്സുമായി അരീക്കോടൻ എന്ന ഞാൻ പാസ്സായത്!"

"അതെന്തേ 28 കൊല്ലം കഴിഞ്ഞ് ഇപ്പോ പെട്ടെന്ന് ഇതൊക്കെ ഇങ്ങോട്ട് തികട്ടി വന്നത് ?"

"ഇന്ന് എന്റെ മൂത്ത മകൾ ഐഷ നൗറ എന്ന ലുലുമോൾ സി.ബി.എസ്.ഇ സിലബസിൽ എസ്.എസ്.എൽ.സി പരീക്ഷ എഴുതിത്തുടങ്ങുന്നു...."