സിനിമ ഞാൻ അപൂർവ്വമായേ കാണാറുള്ളൂ. ഈ അടുത്ത കാലത്തൊന്നും സിനിമ കണ്ടതായി എന്റെ ഓർമ്മയിൽ ഇല്ലതാനും. പക്ഷെ ജീവിതത്തിൽ പലപ്പോഴായി സിനിമാ താരങ്ങൾക്കൊപ്പം വേദി പങ്കിടാനോ ഒന്നിച്ചിരിക്കാനോ സംസാരിക്കാനോ സമ്മാനം കൈപറ്റാനോ ഒക്കെയുള്ള അവസരം കിട്ടിയിട്ടുണ്ട്. അവയിൽ ചിലത് താഴെ ഇടുന്നുണ്ട്. ക്ലിക്ക് ചെയ്താൽ വായിക്കാം.
1142 വിവേക് ഒബ്രൊയിയും ഒരു സൂപ്പർ സ്റ്റാറും !!
348 രേവതിയും ഞാനും പിന്നെ ഒരു റോസാപൂവും
ഇന്നസെന്റ്, ശ്രീനിവാസൻ , ജഗദീഷ് , മുകേഷ് തുടങ്ങിയവരായിരുന്നു ഞാൻ കണ്ട സിനിമകളിലെ എന്റെ ഇഷ്ടതാരങ്ങൾ . ഇതിൽ ആദ്യത്തെ മൂന്ന് പേരും മുഖ സൗന്ദര്യം ഇല്ലാഞ്ഞിട്ടും പ്രതിഭ കൊണ്ട് സിനിമയിൽ തിളങ്ങിയവരാണ്. അതും സ്വതസിദ്ധമായ നർമ്മത്തിലൂടെ പ്രേക്ഷകരെ കയ്യിലെടുത്തവർ. മുകേഷിന് പാരമ്പര്യമായി തന്നെ അഭിനയ സിദ്ധിയും ആകർഷണീയമായ മുഖകാന്തിയും ഉള്ളതിനാൽ ഏവരും പെട്ടെന്ന് ഇഷ്ടപ്പെടും. ജലദോഷം പിടിച്ച പോലെയുള്ള ശബ്ദമാണ് ഞാൻ കണ്ട മുകേഷ് സിനിമകളിൽ എല്ലാം എന്നാണ് എന്റെ അഭിപ്രായം.
പാലക്കാട് എഞ്ചിനീയറിംഗ് കോളേജിലെ ലൈബ്രറി മെമ്പർഷിപ്പ് എടുത്ത് ഞാൻ പുസ്തകങ്ങൾ ചികഞ്ഞപ്പോൾ ആദ്യം കിട്ടിയത് മുകേഷ് കഥകൾ ആയിരുന്നു. ഇന്നസെന്റിന്റെ പല കഥകളും വായിച്ച് പരിചയമുള്ളതിനാൽ മുകേഷും നിരാശപ്പെടുത്തില്ല എന്ന പ്രതീക്ഷയോടെയാണ് തുടങ്ങിയത്. അവതാരിക പോലെയുള്ള ഇന്നസെന്റിന്റെ അമിട്ട് ഗംഭീരമായി.
സ്വന്തം ജീവിതത്തിലെ നിരവധി മുഹൂർത്തങ്ങളാണ് മുകേഷ് ഈ പുസ്തകത്തിലൂടെ പരിചപ്പെടുത്തുന്നത്. കലാലയ ജീവിതത്തിലെയും സിനിമാ ലൊക്കേഷനിലെയും സംഭവങ്ങൾ നർമ്മത്തിൽ ചാലിച്ച് അവതരിപ്പിക്കുമ്പോൾ മുകേഷ് സിനിമകളിലെ ചില രംഗങ്ങൾ തന്നെ മനസ്സിൽ ഓടി എത്തും.
ഇന്നസെന്റിനെ മുൾമുനയിൽ നിർത്തിയ ഹിന്ദി അറിയാത്ത മുകേഷിന്റെ പ്രകടനം " അടി തെറ്റിയാൽ ഇന്നസെന്റും വീഴും " എന്ന കഥയിൽ ഗംഭീരമായി. വായനക്കാരനെ അവസാനം വരെ ഹരം പിടിപ്പിച്ചു തന്നെ പുസ്തകം മുന്നോട്ട് കൊണ്ടു പോകും. പുസ്തകം മുഴുവൻ വായിച്ച് കഴിയുമ്പോൾ , മുകേഷ് പഠിച്ചിരുന്ന കാലത്ത് മൊബൈൽ ഫോൺ ഇല്ലാതിരുന്നത് കൊണ്ട് രക്ഷപ്പെട്ട പെൺകുട്ടികൾ എത്രയെത്ര എന്ന് സ്വാഭാവികമായും വായനക്കാരന്റെ മനസ്സിൽ ഉയരുകയും ചെയ്യും. എനി ഹൗ , എനിക്ക് ഇഷ്ടായി.
പുസ്തകം : മുകേഷ് കഥകൾ വീണ്ടുംരചയിതാവ്: മുകേഷ്
പ്രസാധകർ : ഡി സി ബുക്സ്
വില: 195 രൂപ
1 comments:
എനി ഹൗ , എനിക്ക് ഇഷ്ടായി
Post a Comment
നന്ദി....വീണ്ടും വരിക