ഫെബ്രുവരിയില്‍ കൃസ്തുമസ് !!!

“എക് പര്‍ദേസി മേരാ ദില്‍ ലേ ഗയാ‍....
ജാത്തി ജാത്തി.........“ (മിക്കവാറും ഇത്രയുമാകുമ്പോഴേക്ക് ഫോണ്‍ അറ്റന്റ് ചെയ്യുന്നതിനാല്‍ ബാക്കി അറിയില്ല).
എന്റെ മൊബൈലിലേക്ക് ഏതോ ഒരു നമ്പറില്‍ നിന്നും ഒരു ഫോണ്‍ വന്നു.പല സന്തോഷവാര്‍ത്തകളും പ്രതീക്ഷിച്ചിരിക്കുന്ന അവസ്ഥയില്‍ (അതേ, എപ്പോഴും സന്തോഷവാര്‍ത്തകള്‍ മാത്രം പ്രതീക്ഷിക്കുക എന്നത് എന്റെ ഒരു (ദു:/സല്‍ )സ്വഭാവമാണ്.) അജ്ഞാത നമ്പറില്‍ നിന്നുള്ള കാളുകള്‍ ഒരു ഉള്‍പുളകത്തോടേയും അതിലേറെ പ്രതീക്ഷയോടും കൂടിയാണ് ഞാന്‍ അറ്റന്റ് ചെയ്യാറുള്ളത്.

“സന്തോഷകരമായ ഒരു പുതുവര്‍ഷവും ആനന്ദകരമായ ഒരു കൃസ്തുമസും (അതോ തിരിച്ചോ എന്നറിയില്ല) BSNL നിങ്ങള്‍ക്ക്  ആശംസിക്കുന്നു....(പിന്നയും എന്തൊക്കെയോ ആ പെണ്ണ് ,ഇരുന്നോ നിന്നോ കിടന്നോ ചെലക്കുന്നുണ്ട്...)”


ഈ ഫെബ്രുവരി മാസത്തില്‍ പുതുവര്‍ഷം ആരംഭിക്കുന്ന, കൃസ്തുമസ് ആഘോഷിക്കുന്ന ഉഗാണ്ട ഏതെന്ന് തിരിച്ച് ചോദിക്കാന്‍ യാതൊരു വഴിയും ഇല്ലാത്തതിനാല്‍ ഞാന്‍ ഫോണ്‍ കട്ട് ചെയ്തു.