Pages

Monday, June 17, 2013

യുദ്ധങ്ങള്‍ ഉണ്ടാകുന്നത് എങ്ങനെ ?

പഴയ പുതിയ കാര്‍ ഒരാഴ്ചക്ക് ശേഷം ഞാന്‍ ഒന്ന് സ്റ്റാര്‍ട്ടാക്കാന്‍ ശ്രമിച്ചു. കാറ് ഗമയില്‍ കയറി നിന്നിരുന്നത് ലുലു മോളുടെ ചെരിപ്പില്‍ ആയതിനാലായിരുന്നു അതി രാവിലെ തന്നെ ഒന്ന് സ്റ്റാര്‍ട്ടാക്കാനുള്ള എന്റെ ശ്രമം. ആദ്യത്തെ ശ്രമം പാളിയതിനാല്‍ ഒന്ന് കൂടി നോക്കി.88 മോഡലും 2000 മോഡലും കഴിഞ്ഞ് 2007 മോഡല്‍ ആയതിനാല്‍ ഇത് സ്റ്റാര്‍ട്ടാക്കാന്‍ വേറെ ഏതെങ്കിലും കുന്ത്രാണ്ടം തിരിക്കണോ എന്ന് എനിക്കും ചെറിയ ഒരു സംശയം തോന്നിയിരുന്നു.അപ്പോഴാണ് ഭാര്യയുടെ വക ഒരു ചോദ്യം - സ്റ്റാര്‍ട്ട് ആവാഞ്ഞിട്ടോ അതോ നിങ്ങള്‍ക്ക് എയിമ്‌ ഇല്ലാഞ്ഞിട്ടോ? പെണ്ണിനോട് വയസ്സും ആണിനോട് ഡ്രൈവിംഗ് എക്പീരിയന്‍സും ചോദിക്കരുതെന്ന ആഗോള നിയമം അവള്‍ കാറ്റില്‍ പറത്തിയതിനാല്‍ എന്റെ മറുപടി പെട്ടെന്നായിരുന്നു - മോഡല്‍ ഏത് ആയാലും ചാവി തിരിച്ചാല്‍ വണ്ടി സ്റ്റാര്‍ട്ട് ആവണം!!!

പിറ്റേന്ന് ഉച്ചക്ക് ശേഷം ഭാര്യക്ക് പി.എസ്.സി പരീക്ഷ ഉള്ളതിനാല്‍ കാറെടുത്ത് എന്റെ ഡ്രൈവിംഗ് എക്പീരിയന്‍സ് അവള്‍ക്ക് ഒന്നു കൂടി തെളിയിച്ചു കൊടുക്കാമെന്ന് ഞാന്‍ മനസ്സില്‍ കണക്ക് കൂട്ടി.അല്ലെങ്കിലും TSG 8683 കൊണ്ട് താമരശ്ശേരി ചുരം പുഷ്പക വിമാനം പോലെ കയറിയ നമ്മളെയാണോ ഇവളിട്ട് കൊട്ടുന്നത്.പക്ഷേ അപ്പോളും പത്രാസ് പോകുന്നത് അവള്‍ക്ക് തന്നെ - പത്തമ്പത് പി.എസ്.സി പരീക്ഷ ബസ്സില്‍ പോയി എഴുതിയ എനിക്കല്ലേ പി.എസ്.സി പരീക്ഷ എഴുതാന്‍ കാറില്‍ വന്നിറങ്ങുന്നതിന്റെ ഗെറ്റപ് മനസ്സിലാകൂ,അപ്പോള്‍ പിന്നെ ഒരു ടോംസ്വയര്‍ ടെക്നിക്ക് പ്രയോഗിക്കണം.ഞാന്‍ അതിന്റെ ആലോചനയിലായി.അന്ന് രാത്രി പി.എസ്.സി പരീക്ഷക്ക് പോകുന്നതായിരുന്നു ഡൈനിംഗ് ടേബിളിലെ വട്ടമേശ ചര്‍ച്ച.

”പരീക്ഷക്ക് ഒരു പന്ത്രണ്ടരക്കെങ്കിലും പോകേണ്ടി വരും ട്ടോ...” ഞാന്‍ പറഞ്ഞു.

“അപ്പോ നിങ്ങള്‍ പോരുന്നില്ലേ?”

“നിന്നെ ഒരു തവണ ആ കുന്നിന്റെ നെറുകയില്‍ ഞാന്‍ എത്തിച്ചതല്ലേ? ഇനി നീ ഒറ്റക്ക് പോയാല്‍ മതി,,,:“ ഞാന്‍ വെറുതെ ഒന്ന് തട്ടി.

“ബസ്സിന് പോയി അവിടെ ഇറങ്ങി പിന്നെ ഓട്ടോയില്‍ കയറി....അതൊക്കെ പണിയല്ലേ?”

“ആ പിന്നെ ഡ്രൈവിംഗ് എക്പീരിയന്‍സ് ഇല്ലാത്ത ഞാന്‍ ബസ്സുകള്‍ പറക്കുന്ന ഹൈവേയിലേക്ക് കാറും കൊണ്ട് കയറേ...:എങ്കില്‍ പിന്നെ പൊടി പോലുമുണ്ടാകില്ല കണ്ടു പിടിക്കാന്‍“

“ഏയ്,,,കാറെടുത്ത് പോയാല്‍ നമുക്ക് കുട്ടികളേയും കൂട്ടാം....മുമ്പത്തെ പരീക്ഷക്ക് പോയപ്പോള്‍ അവരെ കൂട്ടാതിരുന്ന സങ്കടവും തീര്‍ക്കാം...ഉള്ള എക്പീരിയന്‍സ് മതി...”

അവസാനം പറഞ്ഞത് എനിക്കിട്ട് കൊട്ടിയതാണെങ്കിലും അവള്‍ വഴിക്ക് വരുന്നതിന്റെ ലക്ഷണങ്ങള്‍ കണ്ടപ്പോള്‍ ഞാന്‍ അടുത്ത വടി ഇട്ടു - “എത്ര കിലോമീറ്ററ് ഓടണം എന്നാ വിചാരം?”

“ഇരുനൂറ് രൂപ മതിയാകില്ലേ?:

“ഇരുനൂറ്റമ്പത് വേണ്ടിവരും...”

“അത്രയുള്ളോ...അത് നിങ്ങള്‍ക്ക് മറ്റന്നാള്‍ ശമ്പളം കിട്ടുമ്പോള്‍ എടുത്താല്‍ പോരേ?”

പെണ്ണുങ്ങളുടെ ഓരോ കണക്കുകൂട്ടലുകള്‍!

“എടീ മറ്റന്നാള്‍ ശമ്പളം കിട്ടുന്നതിന് ഇന്ന് പെട്രോള്‍ അടിക്കുന്ന ഒരു പമ്പും ലോകത്തില്‍ ഇല്ല,,,”

“എങ്കില്‍ ഞാന്‍ കടമായി തരാം...”

“അങ്ങനെ വഴിക്ക് വാ ....ആ കാശ് ഇങ്ങെടുക്ക്....ലോണ്‍ എല്ലാ ബാങ്കുകളും വര്‍ഷാവസാനം എഴുതിത്തള്ളും...അക്കൂട്ടത്തിലേക്ക് ഇതും അങ്ങ് വരവ് വച്ചേക്കുക...”

“കാശ് ഓണ്‍ ഡെലിവെറി എന്നാണ് ആധുനിക പോളിസി...പമ്പില്‍ നിന്ന് പെട്രോള്‍ അടിക്കുമ്പോ ഞാന്‍ കാശ് കൊടുക്കാം...”

“ഓ....അങ്ങനെയാണോ...ശരി ശരി...”

“യുദ്ധങ്ങള്‍ ഉണ്ടാകുന്നത് എങ്ങനെ എന്ന് ഇപ്പോള്‍ എനിക്ക് മനസ്സിലായി...” അത് വരെ മിണ്ടാതിരുന്ന ലുലുമോള്‍ പറഞ്ഞു.

“വെറും യുദ്ധമല്ല....ലോക മഹായുദ്ധം...”

പിറ്റേന്ന് കാര്‍ സ്റ്റാര്‍ട്ടാക്കിയപ്പോള്‍ ടാങ്കില്‍ ആവശ്യത്തിലധികം പെട്രോള്‍!!!അതിനാല്‍ അവളുടെ കാ‍ശ് ആ മണി പേഴ്സില്‍ തന്നെ സുഖമായി കിടന്നുറങ്ങി.

10 comments:

niDheEsH kRisHnaN @ ~അമൃതംഗമയ~ said...

യുദ്ധങ്ങള്‍ ഉണ്ടാകുന്നത് ....ഹി ഹി

Areekkodan | അരീക്കോടന്‍ said...

“എടീ മറ്റന്നാള്‍ ശമ്പളം കിട്ടുന്നതിന് ഇന്ന് പെട്രോള്‍ അടിക്കുന്ന ഒരു പമ്പും ലോകത്തില്‍ ഇല്ല,,,”

ബൈജു മണിയങ്കാല said...

അത് കലക്കി

Cv Thankappan said...

കടം വേണ്ടിവന്നില്ലല്ലോ തല്‍ക്കാലം
ആശംസകള്‍ മാഷെ

കമ്പർ ആർ,എം said...

“എടീ മറ്റന്നാള്‍ ശമ്പളം കിട്ടുന്നതിന് ഇന്ന് പെട്രോള്‍ അടിക്കുന്ന ഒരു പമ്പും ലോകത്തില്‍ ഇല്ല,,,”
ഹ...ഹ...ഹ, അത് കലക്കി
ആശംസകൾ നേരുന്നു..

സമീരന്‍ said...

ഹ്ഹ്..
കൊള്ളാം .

അബ്ദുൽ ജബ്ബാർ വട്ടപ്പൊയിൽ said...

ഹ ഹ ഹ ...

(c)hippy said...

ലോകമഹായുദ്ധങ്ങള്‍ ണ്ടാവുന്നേ ങ്ങനെത്തന്യാ...
“അത്രയുള്ളോ...അത് നിങ്ങള്‍ക്ക് മറ്റന്നാള്‍ ശമ്പളം കിട്ടുമ്പോള്‍ എടുത്താല്‍ പോരേ?”
ഹി.. ഹി... :P

nalina kumari said...

മുൻ‌കൂർ പണം തന്നാലെ ഭാര്യക്ക് വേണ്ടി കാർ ഇറക്കുള്ള് അല്ലെ
.

Echmukutty said...

ആഹാ! പരീക്ഷയ്ക്ക് കൊണ്ടു വിടാന്‍ കൂടി മുന്‍കൂറ് പണം മേടിക്കും ... ഇത്രേം വിചാരിച്ചില്ല...

Post a Comment

നന്ദി....വീണ്ടും വരിക