Pages

Sunday, November 20, 2022

ഖത്തറിൽ പന്തുളരുമ്പോൾ ....

അങ്ങനെ അറേബ്യൻ അത്തറിനാൽ സുഗന്ധ പൂരിതമായ ഖത്തറിന്റെ മണ്ണിലും ലോകകപ്പിന്റെ പന്ത് ആദ്യമായി ഉരുളാൻ തുടങ്ങുകയാണ്. ലോക കപ്പിന്റെ പന്ത് എവിടെ  ഉരുളാൻ തുടങ്ങുമ്പോഴും അതിന്റെ മുഴുവൻ ആവേശവും ആവാഹിക്കുന്നത് മലയാളി മനസ്സിലാണ്. പ്രത്യേകിച്ചും മലപ്പുറത്തിന്റെ മണ്ണിലാണ്. പോർവിളികൾ ബോർഡുകളിലും കട്ടൗട്ടുകളിലും ഒതുങ്ങുന്നു എന്നതും കേരളത്തിന്റെ പ്രത്യേകതയാണ്.

മലയാളിയെ സംബന്ധിച്ചിടത്തോളം ഫിഫ വേൾഡ് കപ്പ് ഇത്രയും അടുത്തെത്തിയ ഒരു സന്ദർഭവും ഇതിന് മുമ്പ് ഉണ്ടായിട്ടില്ല. അതിനാൽ തന്നെ ഏറ്റവും കൂടുതൽ മലയാളികൾ കാണാനിടയുള്ള ലോകകപ്പും ഞാനും ഒരു ലോകകപ്പ് ഫുട്ബോൾ മത്സരം നേരിട്ട് കണ്ടു എന്ന് സമീപ ഭാവിയിൽ പറയാൻ സാദ്ധ്യതയുള്ള ലോകകപ്പും 2022 ലേതായിരിക്കും.

ലോകകപ്പിന് തിരശ്ശീല വീഴുമ്പോൾ കപ്പുയർത്താൻ ഒരു ടീമേ ഉണ്ടാകൂ. എന്നാൽ സമകാലിക ഫുട്ബോളിൽ മൂന്ന് സൂര്യൻമാർ ജ്വലിച്ച് നിൽക്കുന്ന കാലമാണിത്. അതിനാൽ തന്നെ കപ്പ് ആര് നേടിയാലും ഈ ലോകകപ്പോടെ ഇതിൽ രണ്ട് സൂര്യന്മാർ ഉറപ്പായും അസ്തമിക്കും. ചിലപ്പോൾ മൂന്ന് സൂര്യന്മാരും മണ്ണിൽ പതിക്കും. പുതിയ സൂര്യന്മാർ ഖത്തറിന്റെ മണ്ണിൽ നിന്ന് സോക്കറിന്റെ വിണ്ണിലേക്കുയരും.

കഴിഞ്ഞ മൂന്ന് ലോകകപ്പിലും ഞാൻ പ്രവചിച്ച ടീമുകളായിരുന്നു  (click & Read) ജേതാക്കളായത്.അതിനാൽ തന്നെ കഴിഞ്ഞ ഒരാഴ്ചയായി മക്കൾ എന്റെ ടീം ഏതാണെന്ന് അറിയാൻ ഉത്സുകരാണ്. കഴിഞ്ഞ മൂന്ന് തവണ നിന്ന ടീമിന്റെയും കൂടെ നിൽക്കാൻ ഈ വർഷം മനസ്സ് വരുന്നില്ല. ലോക ഫുട്ബാളിലെ മിന്നും നക്ഷത്രങ്ങളായ മെസ്സിയുടെയോ നെയ്മറിന്റെയോ റൊണാൾഡോയുടെയോ കൂടെ നിൽക്കാനും ഞാനില്ല. ഇത്തവണ ഇംഗ്ലണ്ട് ആണ് എന്റെ ഇഷ്ട ടീം. 


2 comments:

Areekkodan | അരീക്കോടന്‍ said...

ഇത്തവണ ബിലാത്തികൾക്കൊപ്പം ....

Lally Walford Interiors said...

I think that your blog is very informative content. I like how you cover a lot of different topics, and I find it easy to navigate. You always provide quality information, and I appreciate the way you present it. I think your blog would be helpful for anyone who wants to learn more about the subjects that you discuss.
Home interior design
Interior Design Consultation in Scotland
Interior Design Scotland
Top Interior Designers in Scotland
Top interior design companies in Edinburgh
best interior designers in Scotland
residential interior design in Scotland
residential interior design in Scotland
best interior designers in Edinburgh
Interior Designers in Edinburgh

Post a Comment

നന്ദി....വീണ്ടും വരിക