Pages

Monday, June 25, 2012

മക്കളുടെ യോഗം

               അഛന്മാരുടെ പേരില്‍ ഓസിന് അറിയപ്പെട്ട പ്രശസ്തരായ അനേകം മക്കള്‍ ഇന്ന് ചരിത്രത്തിലും വര്‍ത്തമാനത്തിലും ഉണ്ട്.സമകാലിക കേരള രാഷ്ട്രീയത്തില്‍ നോക്കിയാല്‍ ശ്രീ.കരുണാകരന്റെ മകന്‍ ശ്രീ.മുരളീധരന്‍ , ശ്രീ.സി.എച്ച്.മുഹമ്മെദ് കോയയുടെ മകന്‍ ശ്രീ.എം.കെ.മുനീര്‍, ശ്രീ.ബാലകൃഷ്ണപിള്ളയുടെ മകന്‍ ശ്രീ.ഗണേഷ്‌കുമാര്‍ അങ്ങിനെ ആ നിര നീളുന്നു.സാഹിത്യത്തില്‍ അഛന്റെ പാരമ്പര്യം തുടര്‍ന്ന മക്കള്‍ തുലോം കുറവാണ് എന്ന് തന്നെ പറയാം.ശ്രീ.എന്‍.പി.മുഹമ്മദിന്റെ മകന്‍ എന്റെ അദ്ധ്യാപകന്‍ കൂടിയായ ശ്രീ.ഹാഫിസ് മുഹമ്മെദ്, ശ്രീമതി ബാലാമണിയമ്മയുടെ മകള്‍ ശ്രീമതി കമലാസുരയ്യ (മാധവിക്കുട്ടി) എന്നിവരേ എന്റെ പെട്ടെന്നുള്ള ശ്രദ്ധയില്‍ വരുന്നുള്ളൂ.സിനിമയില്‍ ശ്രീ.ശ്രീനിവാസന്റെ മകന്‍ ശ്രീ.വിനോദ്, ശ്രീ.മമ്മൂട്ടിയുടെ മകന്‍ ശ്രീ.ദുല്‍ക്കര്‍ സല്‍മാന്‍, ശ്രീ.കൊട്ടാരക്കര ശ്രീധരന്‍ നായരുടെ മകന്‍ ശ്രീ.സായ്കുമാര്‍, ശ്രീ.സുകുമാരന്റെ മകന്‍ ശ്രീ.പൃത്വിരാജ് അങ്ങിനെ ആ നിരയും നീളുന്നു.

              മുമ്പ് മഞ്ചേരി മേലാക്കം കെ.എസ്.ഇ.ബി ഓഫീസില്‍ കാഷ്യര്‍ ആയി ഇരുന്ന സമയത്ത് കൌണ്ടറില്‍ ഒരു മാന്യവ്യക്തി വന്ന് ഞാന്‍ ലിന്‍ഡാ ജെയിംസിന്റെ ഹസ്ബന്റ് എന്ന് സ്വയം പരിചയപ്പെടുത്തിയതും ഇപ്പോള്‍  ഓര്‍ക്കുന്നു.മഞ്ചേരിയിലെ പ്രശസ്തയായ ഗൈനക്കോളജിസ്റ്റ് ആണ് ശ്രീമതി ലിന്‍ഡാ ജെയിംസ്.

             ഇത്രയും ഇവിടെ പറഞ്ഞത് മറ്റൊന്നും കൊണ്ടല്ല.ഇന്ന് വൈകിട്ട് എന്റെ ഒരു അസുഖത്തിനായി ഹോമിയോ ഡോക്ടറെ കണ്ടു.എന്റെ അടുത്തപരിചയക്കാരനായ അദ്ദേഹം, ഞാന്‍ ഇറങ്ങുമ്പോള്‍ പറഞ്ഞു -
“മരുന്ന് തുടര്‍ന്നും വേണമെങ്കില്‍ ഫോണില്‍ വിളിച്ച് വിവരം പറഞ്ഞാല്‍ മതി.വിളിക്കുമ്പോള്‍ നൌറയുടെ ഉപ്പ ആബിദ് എന്ന് പറയുക!!”

             14 കാരിയായ മകളുടെ പേരില്‍ അറിയപ്പെടുന്ന 41 കാരനായ ഞാന്‍!മക്കളുടേ ഒരു യോഗം എന്നല്ലാതെ എന്താ ഇതിന് പറയാ?

3 comments:

Areekkodan | അരീക്കോടന്‍ said...

14 കാരിയായ മകളുടെ പേരില്‍ അറിയപ്പെടുന്ന 41 കാരനായ ഞാന്‍!മക്കളുടേ ഒരു യോഗം എന്നല്ലാതെ എന്താ ഇതിന് പറയാ?

ajith said...

നൌറയുടെ ഉപ്പയായ ആബിദേ, എന്നിട്ട് അസുഖം ഭേദമായോ..??

Cv Thankappan said...

അതിനും ഒരു യോഗം വേണമല്ലോ!!!
ആശംസകള്‍

Post a Comment

നന്ദി....വീണ്ടും വരിക