Pages

Friday, April 16, 2021

വിഷുപ്പക്ഷി പാടുന്നു

 ഈ ഭൂമിയിൽ ഭൂജാതനായിട്ട് അമ്പത് വർഷം തികയാറായി. കഴിഞ്ഞ നാല്പത് വർഷത്തോളമായി വിവിധ പ്രസിദ്ധീകരണങ്ങൾ പ്രസിദ്ധീകരിക്കുന്ന വിശേഷാൽ പതിപ്പുകളെപ്പറ്റി അറിയാം. ഓണപ്പതിപ്പും പുതുവത്സരപ്പതിപ്പും ആയിരുന്നു എൻ്റെ കുട്ടിക്കാലത്തെ വിശേഷാൽ പതിപ്പുകൾ. വായനക്കാർക്കിടയിലെ സാമുദായിക സംതുലനം പാലിക്കാൻ ആയിരിക്കാം, പിന്നീട് എല്ലാ മതക്കാരുടെയും ആഘോഷങ്ങളോടനുബന്ധിച്ച് വിശേഷാൽ പതിപ്പുകൾ ഇറങ്ങാൻ തുടങ്ങി. പരസ്യം കുത്തി നിറച്ച് വരുന്ന ഇത്തരം പതിപ്പുകൾ അവരുടെ കീശ നിറക്കാനുള്ളതാണെന്ന തിരിച്ചറിവ് വന്നതോടെ ഇവ വാങ്ങുന്ന പതിവും നിർത്തി.

എങ്കിലും ഓരോ പതിപ്പുകളിലും എഴുതുന്നത് ആരൊക്കെ എന്ന് വെറുതെ ഒന്ന് കണ്ണോടിക്കും. എന്തോ അതങ്ങനെ ഒരു ശീലമായിപ്പോയി.മിക്കവാറും എല്ലാ പ്രസിദ്ധീകരണങ്ങളും മലയാളത്തിലെ ഘടാ ഗഡിയൻ എഴുത്തുകാരെ എല്ലാം അണി നിരത്തിക്കൊണ്ടാണ് വിശേഷാൽ പതിപ്പുകൾ ഇറക്കാറുള്ളത്.

ജീവിതത്തിൻറെ അർദ്ധ സെഞ്ച്വറി വർഷത്തിൽ എനിക്കും ഒരു വിഷുപ്പതിപ്പിൽ സ്ഥാനം ലഭിച്ചു. എൻ്റെ 

കുട്ടിക്കാലത്തേ ഞാൻ കേൾക്കുന്ന മലയാളത്തിലെ പ്രമുഖ എഴുത്തുകാരായ എം.ടി വാസുദേവൻ നായർ , ബാലചന്ദ്രൻ ചുള്ളിക്കാട് , പി കെ ഗോപി , പി കെ പാറക്കടവ് തുടങ്ങീ പ്രശസ്തരും ഈ വിഷുപ്പതിപ്പിൽ എഴുത്തുകാരായി ഉണ്ട് എന്നതിനാൽ എൻ്റെ സന്തോഷം ഏറെയാണ്.അങ്ങനെ പേരക്ക ബുക്സിന്റെ 2021 വിഷുപ്പതിപ്പായ "വിഷുപ്പക്ഷി പാടുന്നു "  എന്റെ എഴുത്ത് ജീവിതത്തിൽ ഒരു നാഴികക്കല്ലായി മാറിയ സന്തോഷം പങ്കിടുന്നു.



3 comments:

Areekkodan | അരീക്കോടന്‍ said...

വിഷുപ്പക്ഷി പാടുന്നു...

Muralee Mukundan , ബിലാത്തിപട്ടണം said...

ഗോൾഡൻ ജൂബിലി സന്തോഷങ്ങൾ

Areekkodan | അരീക്കോടന്‍ said...

മുരളിയേട്ടാ ... നന്ദി

Post a Comment

നന്ദി....വീണ്ടും വരിക