കോളേജ് കാലഘട്ടം വരെ ഫുട്ബാള്‍ കളിക്കുന്നത് എന്റെ ഇഷ്ടപ്പെട്ട ഒരു വിനോദമായിരുന്നു. പിന്നീട് എന്‍.എസ്.എസ് ക്യാമ്പുകളില്‍ നേരം പോക്കിന് കുട്ടികളോടൊപ്പവും കളിക്കാറുണ്ടായിരുന്നു. ആധുനിക ഫുട്ബാളില്‍ ലയണല്‍ മെസ്സിയും ക്രിസ്റ്റ്യാനോ റൊണാള്‍ഡോയും തമ്മിലുള്ള റെക്കോര്‍ഡ് മത്സരവും ഞാന്‍ കൌതുകത്തോടെയാണ് എന്നും വീക്ഷിച്ചിരുന്നത്. മെസ്സിയും റൊണാള്‍ഡോയും കാല്‍‌പന്തു കളിയില്‍ ഹാട്രിക് അടിച്ചു കൂട്ടുന്നതും അത്ഭുതത്തോടെ വായിക്കാറുണ്ട്.
ഏതാനും ദിവസങ്ങള്‍ക്ക് മുമ്പ് ഞാനും ഒരു ഹാട്രിക് അടിച്ചു ! എന്റെ ഇഷ്ട വിനോദമായ ഫുട്ബാളിലോ ഇപ്പോള്‍ ഒട്ടും കാണാത്ത ക്രിക്കറ്റിലോ അല്ല അത്. കഴിഞ്ഞ എട്ട് വര്‍ഷത്തോളമായി ഞാന്‍ ഒരു ഹരമായി നെഞ്ചേറ്റി നടക്കുന്ന നാഷണല്‍ സര്‍വീസ് സ്കീമിന്റെ അവാര്‍ഡ് നേട്ടത്തില്‍. അതെ ,സംസ്ഥാനത്തെ മികച്ച പ്രോഗ്രാം ഓഫീസര്‍ക്കുള്ള നാഷണല്‍ സര്‍വീസ് സ്കീം സംസ്ഥാന സര്‍ക്കാര്‍ അവാര്‍ഡ് മൂന്നാം തവണയും എന്നെത്തേടി എത്തി - അല്‍ഹംദുലില്ലാഹ് (ദൈവത്തിന് സ്തുതി).
2012-ല്‍ ആയിരുന്നു എനിക്ക് പ്രഥമ സംസ്ഥാന പുരസ്കാരം ലഭിച്ചത്. 2013ലും പുരസ്കാരം നേടിക്കൊണ്ട് തുടര്‍ച്ചയായി രണ്ട് തവണ സംസ്ഥാന പുരസ്കാരം നേടുന്ന ആദ്യത്തെ പ്രോഗ്രാം ഓഫീസറായി മാറി. അന്ന് രണ്ട് തവണയും കോഴിക്കോട് ഗവ. എഞ്ചിനീയറിംഗ് കോളേജിന്റെ എന്‍.എസ്.എസ് യൂണിറ്റിനെ നയിച്ചതിനാണ് അവാര്‍ഡ് ലഭിച്ചതെങ്കില്‍ ഇത്തവണ വയനാട് ഗവ. എഞ്ചിനീയറിംഗ് കോളേജിന്റെ നായകന്‍ എന്ന നിലയിലാണ് അവാര്‍ഡ്.അതോടെ രണ്ട് വ്യത്യസ്ത കോളേജിന് വേണ്ടി സംസ്ഥാന അവാര്‍ഡ് നേടുന്ന ആദ്യത്തെ പ്രോഗ്രാം ഓഫീസറും ആയി. ഇതിനൊക്കെ പുറമെ മൂന്ന് തവണ സംസ്ഥാന പുരസ്കാരം ലഭിച്ച ഏക പ്രോഗ്രാം ഓഫീസര്‍ എന്ന റിക്കാര്‍ഡും എന്റെ പേരിലായി (ഈ റിക്കാര്‍ഡുകള്‍ ഒന്നും ഇവിടെയല്ലാതെ മറ്റൊരിടത്തും രേഖപ്പെടുത്തി വച്ചിട്ടില്ല !) .
സംസ്ഥാന സര്‍ക്കാര്‍ നല്‍കുന്ന മിക്ക പുരസ്കാരങ്ങളുടെയും അവാര്‍ഡ് തുക ആകര്‍ഷണീയമാണ്. അവാര്‍ഡ് ദാന ചടങ്ങും ഗംഭീരമായിരിക്കും. എന്നാല്‍ എന്‍.എസ്.എസ് പുരസ്കാരം നേടിയവര്‍ക്ക് മാത്രമേ ‘തുക’യുടെ വലിപ്പം അറിയൂ. സേവനത്തിനുള്ള അവാര്‍ഡ് ആയതിനാല്‍ കിട്ടുന്നത് സ്വീകരിക്കുക എന്നതാണ് നിലവിലുള്ള പോളിസി , നൊ കമ്പ്ലൈന്റ്. ലക്ഷങ്ങള്‍ പ്രതിഫലം വാങ്ങുന്ന സിനിമാതാരങ്ങള്‍ക്കുള്ള സംസ്ഥാന അവാര്‍ഡും ദിവസങ്ങള്‍ക്ക് മുമ്പ് പ്രഖ്യാപിച്ചിരുന്നു.അവിടെ അവാര്‍ഡ് തുകയും ലക്ഷങ്ങളാണ്.
2012ലെ പ്രഥമ അവാര്‍ഡ് ഞാന്‍ സ്വീകരിച്ചത് ചെങ്ങനൂരില്‍ അന്നത്തെ മുഖ്യമന്ത്രി ശ്രീ. ഉമ്മന്‍ ചാണ്ടിയില്‍ നിന്നായിരുന്നു. 2013ല്‍ ആലുവയില്‍ അന്നത്തെ വിദ്യാഭ്യാസ മന്ത്രി ശ്രീ.പി.കെ അബ്ദുറബ്ബ് ആണ് പുരസ്കാരം തന്നത്. ഇത്തവണ തിരൂരില്‍ ഉന്നത വിദ്യാഭ്യാസ വകുപ്പ് മന്ത്രി ശ്രീ.കെ.ടി ജലീല്‍ ആണ് പുരസ്കാര വിതരണം നടത്തിയത്. ഞാന്‍ എന്‍.എസ്.എസ്‌ല്‍ വളണ്ടിയര്‍ ആയി പിച്ച വച്ചു തുടങ്ങിയ കാലത്ത് തിരൂരങ്ങാടി പി.എസ്.എം.ഒ കോളേജില്‍ എന്റെ സീനിയര്‍ വിദ്യാര്‍ത്ഥി ആയിരുന്നു ശ്രീ.കെ.ടി ജലീല്‍ എന്നത് യാദൃശ്ചികം മാത്രം.
സ്വരം നന്നാവുമ്പോള്‍ പാട്ട് നിര്‍ത്തണം എന്നാണല്ലോ? നിര്‍ബന്ധപൂര്‍വ്വം പാട്ട് നിര്‍ത്തിച്ചതിനാല്‍ നാലാം തവണയും അവാര്‍ഡിന് അവകാശിയാകാന്‍ ഞാന്‍ കളത്തിലില്ല. എങ്കിലും കളത്തിന് പുറത്ത് എല്ലാവരെയും സഹായിക്കാന്‍ എന്റെ എന്‍.എസ്.എസ് മനസ്സ് സദാ സന്നദ്ധമായി നില്‍ക്കുന്നു. ഈ നേട്ടങ്ങള്‍ക്ക് എന്നെ അര്‍ഹനാക്കിയ എന്റെ പ്രിയപ്പെട്ട എന്‍.എസ്.എസ് വളണ്ടിയര്‍മാര്‍ക്കും സഹപ്രവര്‍ത്തകര്‍ക്കും ഗുരുനാഥന്മാര്‍ക്കും എന്നും പ്രോത്സാഹനം നല്‍കിയ സുഹൃത്തുക്കള്‍ക്കും ഹൃദയത്തില്‍ നിന്നുള്ള നന്ദി അറിയിക്കുന്നു. സ്തുതി ദൈവത്തിനും.
ഏതാനും ദിവസങ്ങള്‍ക്ക് മുമ്പ് ഞാനും ഒരു ഹാട്രിക് അടിച്ചു ! എന്റെ ഇഷ്ട വിനോദമായ ഫുട്ബാളിലോ ഇപ്പോള്‍ ഒട്ടും കാണാത്ത ക്രിക്കറ്റിലോ അല്ല അത്. കഴിഞ്ഞ എട്ട് വര്‍ഷത്തോളമായി ഞാന്‍ ഒരു ഹരമായി നെഞ്ചേറ്റി നടക്കുന്ന നാഷണല്‍ സര്‍വീസ് സ്കീമിന്റെ അവാര്‍ഡ് നേട്ടത്തില്‍. അതെ ,സംസ്ഥാനത്തെ മികച്ച പ്രോഗ്രാം ഓഫീസര്‍ക്കുള്ള നാഷണല്‍ സര്‍വീസ് സ്കീം സംസ്ഥാന സര്‍ക്കാര്‍ അവാര്‍ഡ് മൂന്നാം തവണയും എന്നെത്തേടി എത്തി - അല്‍ഹംദുലില്ലാഹ് (ദൈവത്തിന് സ്തുതി).
2012ലെ പ്രഥമ അവാര്‍ഡ് ഞാന്‍ സ്വീകരിച്ചത് ചെങ്ങനൂരില്‍ അന്നത്തെ മുഖ്യമന്ത്രി ശ്രീ. ഉമ്മന്‍ ചാണ്ടിയില്‍ നിന്നായിരുന്നു. 2013ല്‍ ആലുവയില്‍ അന്നത്തെ വിദ്യാഭ്യാസ മന്ത്രി ശ്രീ.പി.കെ അബ്ദുറബ്ബ് ആണ് പുരസ്കാരം തന്നത്. ഇത്തവണ തിരൂരില്‍ ഉന്നത വിദ്യാഭ്യാസ വകുപ്പ് മന്ത്രി ശ്രീ.കെ.ടി ജലീല്‍ ആണ് പുരസ്കാര വിതരണം നടത്തിയത്. ഞാന്‍ എന്‍.എസ്.എസ്‌ല്‍ വളണ്ടിയര്‍ ആയി പിച്ച വച്ചു തുടങ്ങിയ കാലത്ത് തിരൂരങ്ങാടി പി.എസ്.എം.ഒ കോളേജില്‍ എന്റെ സീനിയര്‍ വിദ്യാര്‍ത്ഥി ആയിരുന്നു ശ്രീ.കെ.ടി ജലീല്‍ എന്നത് യാദൃശ്ചികം മാത്രം.
3 comments:
ഇതിനൊക്കെ പുറമെ മൂന്ന് തവണ സംസ്ഥാന പുരസ്കാരം ലഭിച്ച ഏക പ്രോഗ്രാം ഓഫീസര്‍ എന്ന റിക്കാര്‍ഡും എന്റെ പേരിലായി (ഈ റിക്കാര്‍ഡുകള്‍ ഒന്നും ഇവിടെയല്ലാതെ മറ്റൊരിടത്തും രേഖപ്പെടുത്തി വച്ചിട്ടില്ല !)
എല്ലാ പുരസ്കാരങ്ങൾക്കും അഭിനന്ദനങ്ങൾ കേട്ടോ ഭായ്
മുരളിയേട്ടാ... അഭിനന്ദനങ്ങൾക്ക് നന്ദി
Post a Comment
നന്ദി....വീണ്ടും വരിക